വിഷ്ണു ഉണ്ണികൃഷ്ണന്‍ നായകനാവുന്ന 'എന്നും'; സംവിധാനം രാജേഷ് ബാബു കെ ശൂരനാട്

സംഗീത സംവിധായകൻ രാജേഷ് ബാബു കെ ശൂരനാട് ആദ്യമായി സംവിധാനം ചെയ്യുന്ന ചിത്രമാണ് 'എന്നും'.

ചലച്ചിത്ര നിർമ്മാതാവായും സംഗീത സംവിധായകനായും സിനിമാ രംഗത്ത് ശ്രദ്ധേയനായ രാജേഷ് ബാബു കെ ശൂരനാട് ആദ്യമായി തിരക്കഥയെഴുതി സംവിധാനം ചെയ്യുന്ന ചിത്രമാണ് എന്നും. ഇരുപതിലധികം സിനിമകൾക്ക് സംഗീതമൊരുക്കിയിട്ടുള്ള രാജേഷ് ബാബു പെർഫ്യൂം, ഹെർ ഫ്രാഗ്രൻസ്, ബൈനറി, ഴ, ഇനി സിനിമകൾ നിർമ്മിച്ചിട്ടുണ്ട്. ഒരു അഭിനേതാവ് കൂടിയായ ഷനൂപാണ് ചിത്രത്തിന്റെ പ്രൊഡക്ഷൻ കൺട്രോളർ. വിഷ്ണു ഉണ്ണികൃഷ്ണനും പൂജയും കേന്ദ്ര കഥാപാത്രങ്ങളാകുന്ന ചിത്രത്തിൽ മുന്ന സൈമൺ, സുധീഷ്, ലാലി പി എം, സോഹൻ സീനുലാൽ, കൈലാഷ്, ഡയാന ഹമീദ്, നവാസ് വള്ളിക്കുന്ന്, അനീഷ് രവി, അൻസിൽ റഹ്മാൻ, ഷനൂപ്, പ്രണവ് മോഹൻ, ശ്രുതി വൈശാഖ്, നൈറ നിഹാർ, അനശ്വര, നിധി ഷാ കരുണൻ എന്നിവർ മറ്റു പ്രധാന വേഷങ്ങളിലെത്തുന്നു.

മഞ്ജു വാര്യർ, മധു വാര്യർ, സുരാജ് വെഞ്ഞാറമൂട്, ശ്വേത മേനോൻ, നരേൻ, ഡോ. റോണി, വിനയ് ഫോർട്ട്, സിജു വിൽസൺ, നിയ വർഗീസ്, ഇന്ദ്രൻസ്, ജഗദീഷ്, ശ്രുതി രാമചന്ദ്രൻ, നീന കുറുപ്പ്, അപ്പാനി ശരത്, ദിനേശ് പണിക്കർ, ഗായത്രി സുരേഷ്, ഷാജൂൺ കാര്യാല്‍, ഹരിദാസ് തുടങ്ങി പ്രമുഖരാണ് വിഷു ദിനത്തിൽ ചിത്രത്തിന്‍റെ പോസ്റ്റർ ഷെയർ ചെയ്തത്. സംഗീതത്തിന് പ്രാധാന്യമുള്ള ചിത്രത്തിന് വേണ്ടി കൈതപ്രം ദാമോദരൻ നമ്പൂതിരി, വയലാർ ശരത്‌ചന്ദ്ര വർമ്മ, പി കെ ഗോപി, മിത്രൻ വിശ്വനാഥ്, സുധി, അലി എന്നിവർ ഗാനങ്ങൾ രചിക്കുന്നു. വളരെ വ്യത്യസ്തമായ ഒരു സൗഹൃദത്തിന്റെ കഥയാണ് ചിത്രം പറയുന്നതെന്ന് അണിയറ പ്രവർത്തകർ അവകാശപ്പെടുന്നു. പിആർഒ- പി ആർ സുമേരൻ.