മുഖ്യമന്ത്രിയുടെ പ്രൈവറ്റ് സെക്രട്ടറിയായി വിവേക് ഗോപൻ; ‘വൺ‘ ക്യാരക്ടർ പോസ്റ്റർ
Synopsis
കടക്കല് ചന്ദ്രന് എന്ന കഥാപാത്രത്തെയാണ് ചിത്രത്തിൽ മമ്മൂട്ടി അവതരിപ്പിക്കുന്നത്.
മമ്മൂട്ടി കേരളാ മുഖ്യമന്ത്രിയായി എത്തുന്ന 'വണ്' എന്ന സിനിമയില് മുഖ്യമന്ത്രിയുടെ പ്രൈവറ്റ് സെക്രട്ടറിയാകാൻ നടൻ വിവേക് ഗോപൻ. റോഷൻ അലക്സ് എന്ന കഥാപാത്രത്തെയാണ് വിവേക് ചിത്രത്തിൽ അവതരിപ്പിക്കുന്നത്. ഇതിന്റെ ക്യാരക്ടർ പോസ്റ്റർ അണിയറ പ്രവർത്തകർ പുറത്തുവിട്ടു.
പൊളിറ്റിക്കല് എന്റര്ടെയിനര് സ്വഭാവമുള്ള വണ് സന്തോഷ് വിശ്വനാഥാണ് സംവിധാനം ചെയ്തിരിക്കുന്നത്. ബോബി-സഞ്ജയ് കൂട്ടുകെട്ടാണ് തിരക്കഥ. കടക്കല് ചന്ദ്രന് എന്ന കഥാപാത്രത്തെയാണ് ചിത്രത്തിൽ മമ്മൂട്ടി അവതരിപ്പിക്കുന്നത്.
ചിത്രത്തിന്റെ ട്രെയിലർ ഏതാനും ദിവസങ്ങൾക്ക് മുമ്പ് പുറത്തുവിട്ടിരുന്നു. സിനിമയുടെ ഏകദേശ സ്വഭാവം വ്യക്തമാക്കുന്നതു തന്നെയാണ് ട്രെയിലര്. മമ്മൂട്ടിയുടെ അഭിനയം തന്നെയാകും ചിത്രത്തിന്റെ ആകര്ഷണം. ഇച്ചായിസ് പ്രൊഡക്ഷന്സിന്റെ ബാനറില് ശ്രീലക്ഷ്മിയാണ് നിര്മ്മാണം. വൈദി സോമസുന്ദരം ക്യാമറയും, ഗോപിസുന്ദര് സംഗീത സംവിധാനവും, രംഗനാഥ് രവി സൗണ്ട് ഡിസൈനും.
Vivek Gopan as Private Secretary to CM, Roshan Alex🎤 Official trailer out now. YouTube link: ...
Posted by One Movie on Thursday, 18 March 2021
മമ്മൂട്ടിക്കൊപ്പം ജോജു ജോര്ജ്, നിമിഷാ സജയന്, സംവിധായകന് രഞ്ജിത്ത്, സലിം കുമാര്,ബാലചന്ദ്രമേനോന്,ശങ്കര് രാമകൃഷ്ണന്, മാമുക്കോയ, ശ്യാമപ്രസാദ്, രമ്യ, അലന്സിയര് ലെ ലോപ്പസ്, സുരേഷ് കൃഷ്ണ, മാത്യു തോമസ്, ജയകൃഷ്ണന്, മേഘനാഥന്, സുദേവ് നായര്, മുകുന്ദന്, സുധീര് കരമന, ബാലാജി, ജയന് ചേര്ത്തല, ഗായത്രി അരുണ്, രശ്മി ബോബന്, വി കെ ബൈജു, നന്ദു,വെട്ടുകിളി പ്രകാശ്, ഡോക്ടര് റോണി , സാബ് ജോണ് ,ഡോക്ടര് പ്രമീള ദേവി, അര്ച്ചന മനോജ്, കൃഷ്ണ തുടങ്ങിയ വലിയ താരനിര തന്നെ ഈ സിനിമയിലുണ്ട്. റഫീഖ് അഹമ്മദിന്റെ വരികള്ക്ക് ഈണം നല്കുന്നത് ഗോപി സുന്ദറാണ്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ