വിശാലിനൊപ്പം ഐശ്വര്യ ലക്ഷ്മി; 'ആക്ഷന്‍' ടീസര്‍

ഐശ്വര്യയുടെ തമിഴ് അരങ്ങേറ്റചിത്രമാണ് ഇത്. തമന്നയും മറ്റൊരു പ്രധാന വേഷത്തിലുണ്ട്. 

വിശാല്‍ നായകനാവുന്ന സുന്ദര്‍ സി ചിത്രം 'ആക്ഷന്റെ' ടീസര്‍ പുറത്തെത്തി. പേരുപോലെതന്നെ ആക്ഷന്‍ രംഗങ്ങള്‍ക്ക് പ്രാധാന്യമുള്ള സിനിമയുടെ 1.09 മിനിറ്റ് ദൈര്‍ഘ്യമുള്ള ടീസറാണ് പുറത്തെത്തിയിരിക്കുന്നത്. മലയാളി താരം ഐശ്വര്യ ലക്ഷ്മിയാണ് ചിത്രത്തിലെ നായിക. ഐശ്വര്യയുടെ തമിഴ് അരങ്ങേറ്റചിത്രമാണ് ഇത്. തമന്നയും മറ്റൊരു പ്രധാന വേഷത്തിലുണ്ട്. 

യോഗിബാബു, ആകാന്‍ഷ പുരി, കബീര്‍ ദുഹാന്‍ സിംഗ്, രാംകി തുടങ്ങിവരും വിവിധ കഥാപാത്രങ്ങളെ അവതരിപ്പിക്കുന്നു. ഹിപ്‌ഹോപ് തമിഴയുടേതാണ് സംഗീതം. ഛായാഗ്രഹണം ഡുഡ്‌ലീ. അന്‍പറിവാണ് സംഘട്ടന സംവിധാനം.