പ്രണവിനെ കുറിച്ച് അദിതി രവിക്കും ചിലത് പറയാനുണ്ട്

പ്രണവ് മോഹന്‍ലാല്‍ നായകനാകുന്ന ആദിക്ക് വേണ്ടിയുള്ള കാത്തിരിപ്പിലാണ് ആരാധകര്‍. എന്നാല്‍ പ്രണവിനൊടൊപ്പം അഭിനയിച്ചവരെ കാണുമ്പോള്‍ ആരാധകര്‍ക്ക് ഒറ്റ ചോദ്യമേ ചോദിക്കാനുള്ളു. പ്രണവ് ആളെങ്ങനെയാണ്? എല്ലാവരോടും മിണ്ടുമോയെന്നൊക്കെ? എന്നാല്‍ ഇവര്‍ക്ക് എല്ലാവര്‍ക്കും പ്രണവിനെ കുറിച്ച് പറയാന്‍ ഒറ്റ ഉത്തരമേ ഉള്ളു... പ്രണവ് സിംപിളാണ്.

ചിത്രത്തിന്റെ സംവിധായകന്‍ ജീത്തു ജോസഫും അനുശ്രീയും, സിജോ ജോയിയുമെല്ലാം പ്രണവിനെ കുറിച്ച് പറഞ്ഞ് കഴിഞ്ഞു.  ഇപ്പോഴിതാ പ്രണവിനെ കുറിച്ച് പറയാന്‍ അദിതി രവിയും എത്തിയിരിക്കുകയാണ്. 'ഇത്തരം ചോദ്യം കേള്‍ക്കുന്നത് തന്നെ ഒരു ഭാഗ്യമാണ്. കാരണം രണ്ടാമത്തെ സിനിമയില്‍ ഇത്തരം ചോദ്യമുയരാന്‍ സാധ്യത കുറവാണ്. 

പ്രണവ് എല്ലാവരോടും സംസാരിക്കും. മോഹന്‍ലാലിന്റെ മകനാണെന്ന ചിന്ത സെറ്റിലുള്ള മനസ്സിലുണ്ടെങ്കും  പ്രണവിന് അങ്ങനെയുള്ള തോന്നലില്ല. അത്തരം തലക്കനം തീരെയില്ല. ഒപ്പം അഭിനയിക്കാന്‍ കംഫര്‍ട്ടബിളാണ്. പ്രണവ് നല്ല ആത്മവിശ്വാസത്തോടെയാണ് അഭിനയിക്കുന്നത്. മലയാളം നല്ലപോലെ പറയുമെങ്കിലും പ്രണവിന് മലയാളം കുറച്ച് ബുദ്ധിമുട്ടുണ്ട്. സംശയമുള്ള വാക്കുകള്‍ പ്രണവ് ചോദിച്ച് മനസ്സിലാക്കും'' ഒരഭിമുഖത്തിനിടെയാണ് അദിതി പറഞ്ഞത്.

 ആശിര്‍വാദ് സിനിമാസിന്റെ ബാനറല്‍ ആന്റണി പെരുമ്പാവൂര്‍ നിര്‍മിക്കുന്ന ചിത്രം ജനുവരി 26 ന് തിയേറ്ററുകളില്‍ എത്തും.