ബാഹുബലിയുടെ മലയാള ശബ്ദമാണ് ഈ യുവാവ്

കൊച്ചി: ബാഹുബലിയുടെ ഗാംഭീര്യം നിറഞ്ഞ മലയാള ശബ്ദം ആരുടെതാണ്.. ഏറെനാളായി മലയാളി ആലോചിക്കുന്ന ചോദ്യമാണിത്. അരുണ്‍. എറണാകുളം സ്വദേശിയായ അരുണ്‍ ആണ് ഈ ശബ്ദത്തിനുടമ. ബാഹുബലിയായ പ്രഭാസിന്‍റെ ശബ്ദം എന്നു തന്നെ തോന്നിപ്പിക്കുന്ന വിധത്തിലായിരുന്നു ആ ശബ്ദം. 

ഇതിനകം നിരവധി സിനിമകള്‍ക്കും സീരിയലുകള്‍ക്കും ശബ്ദം നല്‍കിയിട്ടുള്ള അരുണ്‍ ഈച്ച ചിത്രത്തില്‍ നാനിക്ക് ശബ്ദം നല്‍കിയാണ് രാജമൗലി ചിത്രത്തിലേയ്ക്ക് എത്തിയത്. അതിനു മുന്‍പ് മാടമ്പി, പ്രാഞ്ചിയേട്ടന്‍, കുരുക്ഷേത്ര, കീര്‍ത്തിചക്ര തുടങ്ങിയ ചിത്രങ്ങളിലൂടെയും ശ്രദ്ധിക്കപ്പെട്ടു. പൃഥ്വിരാജ്, ജയസൂര്യ, ആസിഫ് അലി എന്നിവരുടെ ട്രാക്ക് വോയ്‌സും അരുണ്‍ ആണ് ചെയ്യുന്നത്.

ഈച്ച എന്ന ചിത്രത്തിലെ പരിചയത്തിലൂടെ പ്രഭാസിന്റെ മിര്‍ച്ചിയിലേയ്ക്കും ക്ഷണം വന്നു. പിന്നീടാണ് ബാഹുബലിയുടെ ഭാഗമായതും, ശിവഡുവിനും ബാഹുബലിക്കും ശബ്ദം കൊടുത്തതും. കട്ടപ്പ എന്തിന് ബാഹുബലിയെ കൊന്നുവെന്നതും അരുണിന് അറിയാം. 

പറഞ്ഞു പോയാല്‍ കുടുംബം വിറ്റാല്‍ പോലും കേസ് തീരില്ല. അതിലുപരി ചെയ്യുന്ന ജോലിയോട് കൂറു കാണിക്കണമല്ലോ എന്ന് അരുണ്‍ പറയുന്നു.