ഒന്നല്ല മൂന്ന് 500 കോടി, ഒരു പടത്തിന് 1265 കോടി ! ദീപികയുടെ ബി​ടൗൺ 'റാണി വാഴ്ച' അവസാനിപ്പിച്ച് ആ താരം

വർഷങ്ങൾ നീണ്ട കരിയറിൽ ചെറുതും വലുതുമായ കഥാപാത്രങ്ങളെ അവതരിപ്പിച്ച് മുന്നേറിയ ദീപിക ഇന്ന് ബോളിവുഡിലെ നമ്പർ വൺ നായികയാണ്.

യാതൊരു വിധ സിനിമാ ബാക്​ഗ്രൗണ്ടും ഇല്ലാതെ സിനിമയിൽ എത്തിയ ആളാണ് ദീപിക പദുകോൺ. വർഷങ്ങൾ നീണ്ട കരിയറിൽ ചെറുതും വലുതുമായ കഥാപാത്രങ്ങളെ അവതരിപ്പിച്ച് മുന്നേറിയ ദീപിക ഇന്ന് ബോളിവുഡിലെ നമ്പർ വൺ നായികയാണ്. തെരഞ്ഞെടുക്കുന്ന കഥാപാത്രങ്ങൾ തന്നെയാണ് ആ പദവിയിലേക്ക് താരത്തെ ഉയർത്തിയത്. ബോക്സ് ഓഫീസിൽ അടക്കം വൻ പ്രകടനമാണ് ദീപിക പദുകോൺ ചിത്രങ്ങൾ കാഴ്ചവയ്ക്കുന്നത്. പല മുൻനിര നടിമാർക്കും നേടാനാകാത്ത റെക്കോർഡുകൾ അടക്കം നേടിയ ദീപികയ്ക്ക് ബോളിവുഡിൽ ഒരു എതിരാളി എത്തിയിരിക്കുകയാണ് ഇപ്പോൾ. 

തെന്നിന്ത്യൻ താര സുന്ദരി രശ്മിക മന്ദാനയാണ് ആ താരം. ബോളിവുഡിൽ ബോക്സ് ഓഫീസ് റാണിയായി വിലസിയിരുന്ന ദീപികയെ മൂന്ന് സിനിമകൾ കൊണ്ട് രശ്മിക പിന്നിലാക്കി എന്നാണ് പ്രമുഖ ട്രാക്കിം​ഗ് സൈറ്റായ കോയ് മോയ് റിപ്പോർട്ട് ചെയ്യുന്നത്. ഏറ്റവും കൂടുതൽ 500 കോടി ചിത്രങ്ങളുള്ള ഏക ഇന്ത്യൻ നടി എന്ന ഖ്യാതിയാണ് ഇപ്പോൾ രശ്മിക സ്വന്തമാക്കിയിരിക്കുന്നത്. ദീപികയ്ക്ക് ആയിരുന്നു ഈ ക്രെഡിറ്റ് ഉണ്ടായിരുന്നതെന്നാണ് റിപ്പോർട്ട്. 

കൊവിഡിന് ശേഷം അഞ്ച് 100 കോടി സിനിമകളാണ് ദീപികയുടേതായി എത്തിയത്. എന്നാൽ 500 കോടി സിനിമകൾ രണ്ടെണ്ണം മാത്രമായിരുന്നു. പത്താൻ(543.22), ജവാൻ(640.42) എന്നിവയാണ് ആ ചിത്രങ്ങൾ. കൽക്കിയുടെ ഹിന്ദി പതിപ്പ് 292.96 കോടിയാണ് നേടിയതെന്നാണ് റിപ്പോർട്ട്. 

അതേസമയം, രശ്മിക മന്ദാന മൂന്ന് 500 കോടി സിനിമകളാണ് ബോളിവുഡിന് സമ്മാനിച്ചിരിക്കുന്നത്. അനിമൽ(554), പുഷ്പ 2(1265.97), എന്നിവയാണ് രണ്ട് ചിത്രങ്ങൾ. മറ്റൊന്ന് ഛാവ ആണ്. ചിത്രം  447.26 കോടി നേടിയെന്നാണ് റിപ്പോർട്ട്. ഈ വാരം തന്നെ 500 കോടി ക്ലബ്ബിൽ ചിത്രം എത്തും. സിക്കന്ദർ എന്നൊരു ചിത്രവും രശ്മികയുടേതായി ബോളിവുഡിൽ റിലീസിന് ഒരുങ്ങുന്നുണ്ട്. സൽമാൻ ഖാൻ ആണ് നായകൻ. 

ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..