അമ്പരപ്പിച്ച് മഹാരാജ, ചിത്രത്തിന്റെ ഫൈനല് കളക്ഷൻ കണക്കുകള് ഞെട്ടിക്കുന്നത്
Synopsis
മഹാരാജ ആകെ നേടിയതിന്റെ കണക്കുകള്.
വിജയ് സേതുപതി നായകനായി വന്ന ചിത്രമാണ് മഹാരാജ. വിജയ് സേതുപതിയുടെ മഹാരാജ 100 കോടി ക്ലബിലെത്തിയിരുന്നു. ചൈനയില് മഹാരാജ സിനിമ ഇന്ന് തിയറ്ററുകളില് എത്തിയിരിക്കുകയാണ്. ആദ്യ റിലീസില് മഹാരാജ 104.84 കോടി രൂപയാണ് ആകെ നേടിയതെന്നാണ് സാക്നില്ക്കിന്റെ റിപ്പോര്ട്ട്.
വിജയ് സേതുപതിയെ ആയിരുന്നില്ല മഹാരാജയിലേക്ക് ആദ്യം ആലോചിച്ചത്. പല നടൻമാരോടും മഹാരാജയുടെ കഥ പറഞ്ഞിരുന്നു എന്നാണ് നിഥിലൻ സാമിനാഥൻ വെളിപ്പെടുത്തിയിരുന്നത്. അക്കൂട്ടത്തില് ഒരാള് ശന്തനു ഭാഗ്യരാജായിരുന്നു. കഥ അദ്ദേഹത്തിന് ഇഷ്ടമാകുകയും ചെയ്തു. പല നിര്മാതാക്കളെയും ഞാൻ സമീപിച്ചു. എന്നാല് അത് ഒന്നും നടന്നില്ല. സിനിമ നടക്കുന്നത് അങ്ങനെ വൈകുകായിരുന്നു. കഥാതന്തു ഞാൻ ഉപേക്ഷിക്കാൻ തയ്യാറായിരുന്നില്ല. വിജയ് സേതുപതിയിലേക്ക് പിന്നീട് താൻ വരികയായിരുന്നു എന്നും വെളിപ്പെടുത്തിയ നിഥിലന് നന്ദി പറഞ്ഞ് ശന്തനുവും കുറിപ്പെഴുതിയിരുന്നു.
സംവിധായകൻ നിഥിലൻ സാമിനാഥിന്റേതായി വരാനിരിക്കുന്ന ചിത്രവും ചര്ച്ചകളില് നിറയുകയാണ്. ഇനി തമിഴില് നിഥിലൻ സ്വാമിനാഥാന്റെ സംവിധാനത്തില് എത്തുക മഹാറാണി എന്ന പേരിലുള്ള ചിത്രമായിരിക്കും എന്ന് റിപ്പോര്ട്ടുകള് ചൂണ്ടിക്കാട്ടുന്നു. മഹാറാണിയില് നയൻതാരയായിരിക്കും നായിക. മഹാറാണി നിര്മിക്കുക പാഷൻ സ്റ്റുഡിയോസായിരിക്കും.
നയൻതാര നായികയായി വേഷമിടുന്ന പുതിയ ചിത്രം മണ്ണാങ്കട്ടി സിൻസ് 1960 ചിത്രീകരണം പൂര്ത്തിയായിട്ടുണ്ട്. ചിത്രത്തിന്റെ ലൊക്കേഷനില് നിന്നുള്ള നയൻതാരയുടെ ഫോട്ടോ പുറത്തായതും ഒരു കൗതുകമായി ചര്ച്ചയായിരുന്നു.ക്യാമറാ ലെൻസിലൂടെ നോക്കുന്ന നയൻതാരയെ ഫോട്ടോയില് കണ്ടത് ആരാധകരില് ആകാംക്ഷ സൃഷ്ടിക്കുകയായിരുന്നു. നടി എന്ന നിലയില് നിന്ന് സംവിധായികയായി മാറാൻ ഒരുങ്ങുകയാണോ നയൻതാര എന്നാണ് കമന്റായി ആരാധകര് എഴുതുന്നത്. ചിത്രത്തിന്റെ നിര്മാണം പ്രിൻസ് പിക്ചേഴ്സിന്റെ ബാനറിലാണ്. നയൻതാര നായികയായി വേഷമിടുന്ന മണ്ണാങ്കട്ടിയുടെ സംവിധാനം ഡ്യൂഡ് വിക്കി നിര്വഹിക്കുമ്പോള് ഛായാഗ്രാഹണം ആര് ഡി രാജശേഖറും സംഗീതം സീൻ റോള്ഡനുമാണ്. ഗൗരി കിഷൻ, ദേവദര്ശനി, നരേന്ദ്ര തുടങ്ങിയവരും നയൻതാരയ്ക്കൊപ്പം പ്രധാന വേഷങ്ങളില് പുതിയ ചിത്രത്തില് ഉണ്ടാകുമെന്നാണ് റിപ്പോര്ട്ട്.
Read More: ഐഡന്റിറ്റിയുമായി ടൊവിനോ, അപ്ഡേറ്റും പുറത്ത്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക