"ഞങ്ങള്‍ അനുഭവിക്കുന്ന വേദനയ്ക്ക് മുന്നിലൊന്നും ക്യാമറ എത്താറില്ല"  സി.കെ വിനീത്

ഫുട്‌ബോളറും ഇന്ത്യന്‍ ക്യാപ്റ്റനുമായ വി.പി സത്യന്റെ ജീവിതം പറയുന്ന ചിത്രം 'ക്യാപ്റ്റന്‍' തിയേറ്ററുകളില്‍ വിജയകരമായി മുന്നേറുകയാണ്.  ഇപ്പോഴിതാ ഫുട്‌ബോള്‍ ആരവത്തിനിടയില്‍ കേരളാ ബ്ലാസ്‌റ്റേഴ്‌സ് താരങ്ങളും കൊച്ചി ലുലുമാളില്‍ സിനിമ കാണാനെത്തി. ചിത്രത്തെകുറിച്ച് സി. കെ വിനീതിന്റെ പ്രതികരണത്തെ കുറിച്ച് ജയസൂര്യ പറയുന്നത് ഇങ്ങനെ

 ജയസൂര്യയുടെ ഫേസ്ബുക്ക് പോസ്റ്റ് വായിക്കാം
എന്റെ സുഹൃത്ത് C .K വിനീത് ഇന്നലെ ചിത്രം കണ്ടിട്ട് എന്നോട് പറഞ്ഞത്.. 
"90 മിനിറ്റ് മാത്രം എല്ലാവർക്കും പരിചയമുള്ള C.K. വിനീത്. ഇതിനു മുൻപുള്ള വ്യക്തി ജീവിതം, ഞങ്ങൾ അനുഭവിക്കുന്ന വേദനകൾ ,മാനസിക സംഘർഷങ്ങൾ അതിന്റെ മുന്നിലൊന്നും ഒരു ക്യാമറയും എത്താറില്ല.. അല്ലെങ്കിൽ ആ വേദനൊയൊന്നും ഞങ്ങൾ ആരെയും കാണിക്കാറുമില്ല... അതെല്ലാം വി.പി.സത്യനിലൂടെ കാണിച്ചപ്പോ.. ഞങ്ങൾക്ക് ഞങ്ങളെത്തന്നെയാണ് സ്ക്രീനിൽ കാണാൻ കഴിഞ്ഞത് ജയേട്ടാ...ഞങ്ങളുടെ കളിക്കളത്തിന് പുറത്തുള്ള ജീവിതം, കാണിക്കൾക്ക് കാണിച്ചു കൊടുത്തതിന് നന്ദി"