ഫഹദിന്റെ അമല് നീരദ് ചിത്രം ദുബൈയിലേക്ക്
Synopsis
ഇയ്യോബിന്റെ പുസ്തകത്തിന് ശേഷമുള്ള ഫഹദ്-അമല് ചിത്രം വാഗമണ്ണില് ആദ്യ ഷെഡ്യൂള്
'ഇയ്യോബിന്റെ പുസ്തക'ത്തിന് ശേഷം ഫഹദ് ഫാസിലിനെ നായകനാക്കി അമല് നീരദ് സംവിധാനം ചെയ്യുന്ന ചിത്രത്തിന്റെ ദുബൈ ഷെഡ്യൂള് ഈയാഴ്ച ആരംഭിക്കും. 16 മുതലാണ് ദുബൈ ചിത്രീകരണം. 'മായാനദി'യിലൂടെ ശ്രദ്ധിക്കപ്പെട്ട ഐശ്വര്യലക്ഷ്മി നായികയാവുന്ന ചിത്രത്തിന്റെ ആദ്യ ഷെഡ്യൂള് വാഗമണ്ണിലായിരുന്നു.
ഓണം റിലീസായി തീയേറ്ററുകളിലെത്തുമെന്ന് കരുതപ്പെടുന്ന ചിത്രത്തില് സഹനിര്മ്മാതാവായി എത്തുകയാണ് നസ്രിയ നസിം. അമല് നീരദ് പ്രൊഡക്ഷന്സുമായി ചേര്ന്നാണ് നസ്രിയ ചിത്രം നിര്മ്മിക്കുന്നത്. ലിറ്റില് സ്വയാമ്പ് പോള് ആണ് ഛായാഗ്രഹണം.
അന്വര് റഷീദ് ചിത്രം 'ട്രാന്സി'ന്റെ അവസാന ഷെഡ്യൂള്, നവാഗതനായ വിവേക് സംവിധാനം ചെയ്യുന്ന 'ആണെങ്കിലും അല്ലെങ്കിലും' എന്നിവയാണ് അമല് നീരദ് ചിത്രത്തിന് ശേഷം ഫഹദിന് പൂര്ത്തീകരിക്കാനുള്ളത്. അമല് നീരദാണ് ട്രാന്സിന്റെ ഛായാഗ്രാഹകന്.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ