വര്‍ഷങ്ങള്‍ക്ക് ശേഷം മമ്മൂട്ടിയുടെ ഗാനം, എന്താ ജോണ്‍സാ കള്ളില്ലേ, കല്ലുമ്മക്കായില്ലേ?

ഗാനത്തിന് ഈണമിട്ടിരിക്കുന്നത് ബിജി പാല്‍

കൊച്ചി:ജോയ്മാത്യുവിന്‍റെ തിരക്കഥയിലൊരുങ്ങിയ 'അങ്കിളില്‍' മമ്മൂട്ടി പാടിയ എന്താ ജോണ്‍സാ കള്ളില്ലേ എന്ന ഗാനം പുറത്തിറങ്ങി.  ഫേസ്ബുക്കിലൂടെയാണ് പാട്ട് പുറത്ത് വിട്ടത്. മുണ്ടുമടക്കി കുത്തി മമ്മൂട്ടി പാടുന്ന ഈ ഗാനത്തിന് ഈണമിട്ടിരിക്കുന്നത് ബിജി പാലാണ്.

ഫേസ്ബുക്കിലൂടെ മമ്മൂട്ടി തന്നെയാണ് ഗാനം പുറത്തിറക്കിയത്. 'വര്‍ഷങ്ങള്‍ക്ക് ശേഷം സംഗീതത്തിലും ഒരു കൈ നോക്കുകയാണ്. നിങ്ങള്‍ക്ക് ഇത് ഇഷ്ടപ്പെടുമെന്ന് പ്രതീക്ഷിക്കുന്നു. നിങ്ങളുടെ അഭിപ്രായം പറയുമല്ലോ' എന്ന് ഗാനം പങ്കുവെച്ചുകൊണ്ട് മമ്മൂട്ടി കുറിച്ചൂ.