ഇന്ദ്രന്‍സേട്ടൻ പറഞ്ഞ വാക്കുകളാണ് എന്നെ അദ്ഭുതപ്പെടുത്തിയത്, മഞ്ജു വാര്യര്‍‌ പറയുന്നു

മലയാള സിനിമയിലെ ഏറ്റവും വലിയ അത്ഭുതങ്ങളില്‍ ഒന്നാണ് ഇന്ദ്രന്‍സ് എന്ന്  മഞ്ജു വാര്യര്‍. തിരുവനന്തപുരത്ത് വച്ച് ഇന്ദ്രന്‍സിനെ ആദരിക്കുന്ന ചടങ്ങില്‍ സംസാരിക്കുകയായിരുന്നു മഞ്ജു വാര്യര്‍.

ഇന്ദ്രന്‍സേട്ടന്റെ അഭിനയശേഷിയെക്കുറിച്ചല്ല എനിക്ക് പറയാനുള്ളത്. പുരസ്‌കാരം സ്വീകരിച്ചുകൊണ്ട് അദ്ദേഹം പറഞ്ഞ വാക്കുകളാണ് എന്നെ അത്ഭുതപ്പെടുത്തിയത്. കണ്ണിനു കാണാന്‍ പോലും കഴിയാത്ത എനിക്ക് അവാര്‍ഡ് നേടിത്തന്ന നിങ്ങളെയൊക്കെ സമ്മതിക്കണം എന്ന്. അദ്ദേഹത്തിന് മാത്രം പറയാന്‍ കഴിയുന്ന വാക്കുകളാണത്. ഇന്ദ്രന്‍സേട്ടന്‍ കണ്ണിനു കാണാന്‍ കഴിയാത്ത ആളല്ല, ഞങ്ങളൊക്കെ കണ്‍നിറയെ അത്ഭുതത്തോടെ നോക്കി കാണുന്ന ആളാണ്- മഞ്ജു വാര്യര്‍ പറയുന്നു. അതേസമയം മികച്ച വ്യക്തിത്വത്തിനുള്ള അവാര്‍ഡ് ഉണ്ടായിരുന്നെങ്കില്‍ പലതവണ ഇന്ദ്രൻസിന് കിട്ടിയേനെയെന്ന് പൃഥ്വിരാജും പറഞ്ഞു.