ലാലേട്ടന്‍ അങ്ങനൊന്നും വീഴില്ല മക്കളെ...

താരംസഘടന അമ്മയുടെ മെഗാ ഷോയില്‍ ഡാന്‍സ് കളിക്കുന്നതിനിടെ മോഹന്‍ലാല്‍ വീണതായിരുന്നു കഴിഞ്ഞ മണിക്കൂറുകളില്‍ കൂടുതല്‍ ചര്‍ച്ചയായ സിനിമാ വാര്‍ത്ത. ഒടുവില്‍ അത് ഫാന്‍സിന്‍റെ ഏറ്റുമുട്ടലിലേക്ക് കാര്യങ്ങള്‍ ചെന്നെത്തിച്ചു. ഹണി റോസിനെ ട്രോളിയവരായിരുന്നു കൂടുതലും. 

എന്നാല്‍ ലാലേട്ടന് പ്രായമായെന്ന തരത്തില്‍ ചില കമന്‍റുകള്‍ ആരാധകര്‍ക്ക് സഹിച്ചില്ല. വീഴ്ചയുടെ ആദ്യ ദൃശ്യങ്ങള്‍ പുറത്തുവന്നതില്‍ മോഹന്‍ലാല്‍ എങ്ങനെയാണ് വീഴുന്നത് എന്ന് വ്യക്തമായിരുന്നില്ല. എന്നാല്‍ വീഴ്ചയുടെ മറ്റൊരു ആംഗിളിലുള്ള വീഡിയോയുമാണ് ഇത്തവണ ആരാധകര്‍ എത്തുന്നത്.

ഡാന്‍സ് ചെയ്ത് വരുന്ന ഹണി റോസ് ഫ്ലോറില്‍ തെന്നിവീഴുന്നതും എന്നാല്‍, പിന്നോട്ട് നോക്കാതെ ഡാന്‍സ് ചെയ്ത് വരുന്ന മോഹന്‍ലാല്‍ ഹണി റോസിനെ തട്ടിതടഞ്ഞ് വീഴുന്നതുമാണ് ദൃശ്യങ്ങളില്‍. എന്നാല്‍ വീഴ്ചയില്‍ മോഹന്‍ലാലിന് എന്തെങ്കിലും പരിക്കു പറ്റിയോ എന്നായിരുന്നു ആരാധകരുടെ പ്രധാന ആശങ്ക എന്നാല്‍ രാവിലെ തന്നെ മോഹന്‍ലാല്‍ തന്‍റെ പുതിയ ചിത്രം പങ്കുവച്ചതോടെ ആശങ്കകള്‍ അകന്നു. തുടര്‍ന്ന് സോഷ്യല്‍ മീഡിയ ചര്‍ച്ചകള്‍ ഈ രീതിയിലേക്ക് വഴിമാറി...

'ആദ്യം വീണത് ഹണി റോസ് . ഹണി റോസിനെ തട്ടി ലാലേട്ടന്‍ വീണു.പക്ഷേ ആദ്യം എഴുന്നേറ്റത് ലാലേട്ടന്‍ .
ഇതിപ്പോ ആര്‍ക്കാ വയസ്സായെ '

'ഇന്നലെ നടന്ന അമ്മമഴവിൽ മെഗാഷോയിൽ ലാലേട്ടൻ വീണതിൽ സങ്കടം ഉണ്ട് വീണ്ടും എഴുന്നേറ്റു ഡാൻസ് കളിച്ചതിൽ അഭിമാനവും രോമാഞ്ചവും ലാലേട്ടാ ബിഗ് സല്യൂട്ട്'

ഇങ്ങനെ പോകുന്നു സോഷ്യല്‍ മീഡിയയിലെ പോസ്റ്റുകള്‍. അവയില്‍ ഹാഷ്ടാഗ് പോലെ പ്രചരിക്കുകയാണ് ഇനി പറയുന്ന പോസ്റ്റ്. ഇതിനോടകം നിരവധി പേരാണ് ഈ കുറിപ്പ് പോസ്റ്റ് ചെയ്തിരിക്കുന്നത്.

'ലാലേട്ടൻ വീണതിൽ സങ്കടം..... വീണ്ടും എഴുന്നേറ്റു ഡാൻസ് കളിച്ചതിൽ അഭിമാനവും രോമാഞ്ചവും ലാലേട്ടാ' ഈ പോസ്റ്റായിരുന്നു ഇന്നലെ ഏറ്റവും കൂടുതല്‍ ഫേസ്ബുക്കില്‍ തെളിഞ്ഞത്.  ഇതിനെല്ലാം പുറമെ ഹണി റോസിനെ ട്രോളുന്നവരും കുറവല്ല.