പ രഞ്ജിത്തിന്റെ പുതിയ സിനിമയില്‍ നായകൻ സൂര്യ

പ രഞ്ജിത്ത് സൂര്യയുമായി കൈകോര്‍ക്കുന്നു. പ രഞ്ജിത്തിന്റെ പുതിയ സിനിമയില്‍ സൂര്യയാണ് നായകനെന്നാണ് റിപ്പോര്‍ട്ട്.

ജ്ഞാനവേല്‍ രാജയുടെ സ്റ്റുഡിയോയായിരുന്നു പ രഞ്ജിത്തിന്റെ ആദ്യ സിനിമയായ ആട്ടക്കത്തി വിതരണം ചെയ്‍തത്. സൂര്യയുടെ സോഹദരൻ കാര്‍ത്തിയെ നായകനാക്കി പ രഞ്ജിത്ത് സംവിധാനം ചെയ്‍ത പുതിയ സിനിമ നിര്‍മ്മിച്ചതും സ്റ്റുഡിയോ ഗ്രീൻ ആയിരുന്നു. മദ്രാസിന്റെ വിജയത്തെ തുടര്‍ന്ന് സൂര്യയെ നായകനാക്കി പുതിയ സിനിമ ഒരുക്കാൻ തീരുമാനിച്ചിരുന്നു. അതിനിടയിലാണ് പ രഞ്ജിത്ത് രജനികാന്തിനെ നായകനാക്കി കബാലി ചെയ്യുന്നതും വൻ ഹിറ്റാകുന്നതും. തുടര്‍ന്ന് വീണ്ടും രജനികാന്തിനെ നായകനാക്കി കാല ഒരുക്കുന്നതിന്റെ തിരക്കില്‍ സൂര്യയുടെ ചിത്രം വൈകുകയായിരുന്നു. എന്തായാലും കാലയ്‍ക്ക് ശേഷം സൂര്യയെ നായകനാക്കാനുള്ള ഒരുക്കത്തിലാണ് പ രഞ്ജിത്ത്.