കൊച്ചി മേയറോട് മോശമായി പെരുമാറി;  ജൂ​ഡ് ആന്‍റണി ജോസഫിനെതിരേ കേസ്

കൊ​ച്ചി: ഭീ​ഷ​ണി​പ്പെ​ടു​ത്തിയെന്നും സ്ത്രീ​ത്വ​ത്തെ അ​പ​മാ​നി​ക്കാ​ൻ ശ്ര​മി​ച്ചു​വെ​ന്നും ആരോപിച്ചാണ് ജൂ​ഡി​നെ​തി​രേ മേയർ പരാതി നൽകിയത്. മേ​യ​റു​ടെ പ​രാ​തി​യി​ൽ കേ​സെ​ടു​ത്ത​താ​യി എറണാകുളം സെൻട്രൽ പോ​ലീ​സ് അ​റി​യി​ച്ചിട്ടുണ്ട്.

നി​വി​ൻ പോ​ളി അ​ഭി​ന​യി​ക്കു​ന്ന, കു​ട്ടി​ക​ൾ​ക്കെ​തി​രേ​യു​ള്ള അ​തി​ക്ര​മ​ങ്ങ​ളെ​ക്കു​റി​ച്ച് ബോ​ധ​വ​ത്ക​ര​ണം ന​ൽ​കു​ന്ന ഷോ​ർ​ട്ട് ഫി​ലി​മി​ന്‍റെ ഷൂ​ട്ടിം​ഗ് ആവശ്യത്തിന് സുഭാഷ് പാർക്ക് നൽകുമോ എന്നറിയാനാണ് ജൂഡ് മേയറെ കണ്ടത്. എ​ന്നാ​ൽ പാ​ർ​ക്ക് വി​ട്ടു​ന​ൽ​കി​ല്ലെ​ന്ന നി​ല​പാ​ടി​ലാ​യി​രു​ന്നു മേ​യ​ർ. കാലികപ്രസക്തിയുള്ള വിഷയവുമായി ബന്ധപ്പെട്ട ചിത്രമായതിനാൽ മ​ന്ത്രി​യ​ട​ക്ക​മു​ള്ള​വ​ർ പാ​ർ​ക്ക് ഷൂ​ട്ടിം​ഗി​ന് ന​ൽ​ക​ണ​മെ​ന്ന് മേ​യ​റോ​ട് ആ​വ​ശ്യ​പ്പെ​ട്ടി​രു​ന്ന​താണ്. എ​ന്നാ​ൽ മേയർ തന്‍റെ നിലപാടിൽ ഉറച്ചു നിൽക്കുകയായിരുന്നു.

മേ​യ​റെ ജൂ​ഡ് ഭീ​ഷ​ണി​പ്പെ​ടു​ത്തു​ക​യോ അ​പ​കീ​ർ​ത്തി​ക​ര​മാ​യി പെ​രു​മാ​റു​ക​യോ ചെ​യ്തി​ട്ടി​ല്ലെ​ന്നും പാർക്ക് ലഭിക്കില്ലെന്ന് അറിഞ്ഞതോടെ ദേ​ഷ്യ​പ്പെ​ട്ട് വാ​തി​ൽ അ​ട​യ്ക്കു​ക മാ​ത്ര​മാ​ണ് ചെ​യ്ത​തെ​ന്നു​മാ​ണ് സം​വി​ധാ​യ​ക​നു​മാ​യി അ​ടു​ത്ത​വൃ​ത്ത​ങ്ങ​ൾ പറയുന്നത്. സം​ഭ​വ​ത്തി​ൽ മാ​പ്പ് പ​റ​യാ​ൻ ത​യാ​റാ​യി ജൂഡ് ഓഫീസിൽ എത്തിയെങ്കിലും മേ​യ​ർ പ​രാ​തി ന​ൽ​കു​ക​യാ​യി​രു​ന്നു​വെ​ന്നാ​ണ് വി​വ​രം.

ബോ​ധി​നി​യു​ടെ സ​ഹ​ക​ര​ണ​ത്തോ​ടെ നി​ർ​മി​ക്കു​ന്ന ഷോ​ർ​ട്ട് ഫി​ലി​മി​ൽ പ്ര​തി​ഫ​ലം മേ​ടി​ക്കാ​തെ​യാ​ണ് നി​വി​ൻ പോ​ളി​യും ജൂ​ഡും പ​ങ്കു​ചേ​രു​ന്ന​ത്. പാ​ർ​ക്ക് ല​ഭി​ക്കാ​ത്ത​തി​നെ​ത്തു​ട​ർ​ന്ന് മ​റ്റൊ​രു സ്ഥ​ല​ത്ത് ചി​ത്ര​ത്തി​ന്‍റെ ഷൂ​ട്ടിം​ഗ് ബു​ധ​നാ​ഴ്ച ആ​രം​ഭി​ച്ചു. സംവിധായകനെതിരേ മേയർ പരാതിയുമായി രംഗത്തുവന്നതോടെ വിഷയത്തിൽ ഫെഫ്കയും ഇടപെട്ടിട്ടുണ്ട്.