ഫഹദും ഐശ്വര്യ ലക്ഷ്മിയും 'പുതിയൊരു പാതയില്‍' ; പ്രണയാതുരമായി വരത്തനിലെ ആദ്യ ഗാനം

പുതിയൊരു പാതയിലാണ് എന്നു തുടങ്ങുന്ന ഗാനം നസ്രീയ നസീം ആണ് ആലപിച്ചിരിക്കുന്നത്. നേരത്തെ  പാട്ടിന്‍റെ ലിറിക്സ് വീഡിയോ പുറത്തുവിട്ടിരുന്നു

കൊച്ചി: ഇയ്യോബിന്‍റെ പുസ്തകമെന്ന സൂപ്പര്‍ ഹിറ്റിന് ശേഷം ഫഹദ് ഫാസിലും അമല്‍ നീരദും ഒന്നിക്കുന്ന വരത്തന്‍ പ്രതീക്ഷയേകുന്ന ചിത്രമാണ്. പ്രതീക്ഷകള്‍ക്ക് നിറച്ചാര്‍ത്ത് നല്‍കി വരത്തനിലെ ആദ്യ വീഡിയോ ഗാനം പുറത്ത്.

പുതിയൊരു പാതയിലാണ് എന്നു തുടങ്ങുന്ന ഗാനം ഫഹദിന്‍റെ ഭാര്യയും പ്രമുഖ നടിയുമായ നസ്രീയ നസീം ആണ് ആലപിച്ചിരിക്കുന്നത്. നേരത്തെ  പാട്ടിന്‍റെ ലിറിക്സ് വീഡിയോ പുറത്തുവിട്ടിരുന്നു.

സുശീന്‍ ശ്യാം ആണ് സംഗീതമൊരുക്കിയിട്ടുള്ളത്. വിനായക് ശശികുമാറിന്‍റെതാണ് വരികള്‍. മായാനദിയിലൂടെ പ്രേക്ഷകരുടെ പ്രിയപ്പെട്ട നടിയായി മാറിയ ഐശ്വര്യ ലക്ഷ്മിയാണ് ചിത്രത്തിലെ നായിക. ദൃശ്യഭംഗിയും ഫഹദും ഐശ്വര്യയും തമ്മിലെ പ്രണയാതുരതയും ആദ്യ ഗാനത്തെ മനോഹരമാക്കിയിട്ടുണ്ട്.