ഇനി സലിംകുമാറിന്റെ താമര!

താമര എന്ന ചിത്രത്തിലാണ് സലിംകുമാര്‍ പ്രധാന കഥാപാത്രത്തെ അവതരിപ്പിക്കുന്നത്

ഹ്രസ്വ ചിത്രത്തില്‍ നായകനായി സലിംകുമാര്‍. താമര എന്ന ചിത്രത്തിലാണ് സലിംകുമാര്‍ പ്രധാന കഥാപാത്രത്തെ അവതരിപ്പിക്കുന്നത്. തൊണ്ടിമുതലും ദൃക്സാക്ഷിയും എന്ന സിനിമയിലൂടെ ശ്രദ്ധേയനായ സിബി തോമസും ചിത്രത്തിലുണ്ട്.

ഹാഫിസ് മുഹമ്മദ് ആണ് ചിത്രം സംവിധാനം ചെയ്തിരിക്കുന്നത്. പുള്ളിക്കാരൻ സ്റ്റാർ എന്ന മമ്മൂട്ടി ചിത്രത്തിന്റെ രചന നിർവഹിച്ച രതീഷ് രവിയുടെതാണ് താമരയുടെ കഥ, തിരക്കഥ, സംഭാഷണം.  -ഷിജു എം ഭാസ്കരൻ ഛായാഗ്രാഹണം നിര്‍വഹിച്ചിരിക്കുന്നു. ചിത്രസംയോജനം: വിഷ്ണു വേണുഗോപാൽ. സംഗീതസംവിധാനം നിര്‍വഹിച്ചിരിക്കുന്നത് മനു രമേശനാണ്. ജൂലൈ മാസം അവസാനത്തോടെ ചിത്രം റിലീസ് ചെയ്യും.