നാനാ പടേക്കറിനെതിരെ ബോളിവുഡ് താരം തനുശ്രീ ദത്ത കേസ് നല്കി
Synopsis
പടേക്കറുമായി അടുത്തിടപഴകി അഭിനയിക്കാന് നിര്ബന്ധിക്കുകയും, വസ്ത്രം ഉരിയാന് ആവശ്യപ്പെടുകയും ചെയ്തു. ഇതോടെ തനുശ്രീ സെറ്റില് നിന്നിറങ്ങി പോവുകയായിരുന്നു
മുംബൈ: നാനാ പടേക്കറിനെതിരെ ബോളിവുഡ് താരം തനുശ്രീ ദത്ത കേസ് നല്കി. 2008ല് ഹോണ് ഓകെ പ്ലീസ് എന്ന സിനിമയുടെ സെറ്റില് വെച്ചാണ് തനുശ്രീക്കു നേരേ പടേക്കര് മോശമായി പെരുമാറിയത്. ഇത് എതിര്ക്കുകയും സംവിധായകന് വിവേകിനോട് പരാതി പറയുകയും ചെയ്തു. എന്നാല് ഇതോടെ കരുതിക്കൂട്ടി അപമാനിക്കാന് ശ്രമം നടത്തി.
പടേക്കറുമായി അടുത്തിടപഴകി അഭിനയിക്കാന് നിര്ബന്ധിക്കുകയും, വസ്ത്രം ഉരിയാന് ആവശ്യപ്പെടുകയും ചെയ്തു. ഇതോടെ തനുശ്രീ സെറ്റില് നിന്നിറങ്ങി പോവുകയായിരുന്നു. ഇതിനു പിന്നാലെ പടേക്കറുടെ ആള്ക്കാര് നടിയുടെ കാര് ആക്രമിക്കുകയും ചെയ്തു. ഇതിന്റെ ദൃശ്യങ്ങളും ലഭിച്ചിട്ടുണ്ട്. ഈ സംഭവങ്ങള് നേരത്തേ തനുശ്രീ പറഞ്ഞിട്ടുണ്ടെങ്കിലും നടന്റെ പേര് വെളിപ്പെടുത്തിയിരുന്നില്ല.
രണ്ടാഴ്ച മുന്പാണ് ആ നടന് നാനാ പടേക്കറാണെന്ന് പറഞ്ഞത്. ഇതിനു പിന്നാലെ പടേക്കറും വിവേകും നടിക്ക് നോട്ടീസയച്ചു. എന്നാല് ബോളിവുഡ് താരങ്ങളുടെ പിന്തുണ തനുശ്രീക്കാണ്. ഇതിനു പിന്നാലെയാണ് കഴിഞ്ഞ ഇന്നലെ നടി പോലീസ് കേസ് നല്കിയത്. ഇതോടെ പടേക്കറിനെതിരായ ആരോപണം പുതിയ വഴിത്തിരിവിലേയ്ക്ക് എത്തിയിരിക്കുകയാണ്. നാന പടേക്കറും സംവിധായകന് വിവേക് അഗ്നിഹോത്രിയും തനുശ്രീക്കെതിരെ വക്കീല് നോട്ടീസ് അയച്ചിരുന്നു.