100 ഗ്രാം കശുവണ്ടിയില് എന്തൊക്കെയുണ്ടെന്ന് അറിയാമോ?
Synopsis
കശുവണ്ടിയോ നിലക്കടലയോ ബദാമോ പിസ്തയോ ഏതുമാകട്ടെ ദിവസവും ഒരു പിടി നട്സ് കഴിക്കുന്നത് ആരോഗ്യം മെച്ചപ്പെടുത്തുമെന്ന് വിദഗ്ധർ പറയുന്നു. പ്രത്യേകിച്ച് ഹൃദയാരോഗ്യം സംരക്ഷിക്കാന് ഇവ സഹായിക്കും. അതില് തന്നെ നിരവധി ആരോഗ്യ ഗുണങ്ങള് അടങ്ങിയതാണ് കശുവണ്ടി.
നിരവധി ആരോഗ്യ ഗുണങ്ങള് അടങ്ങിയതാണ് നട്സുകള്. ശരീരത്തെ ആരോഗ്യകരമായി നിലനിർത്താൻ സഹായിക്കുന്ന ആന്റി ഓക്സിഡന്റ് അളവ് അടങ്ങിയിരിക്കുന്ന മികച്ച ഭക്ഷണമായി നട്സിനെ കണക്കാക്കപ്പെടുന്നു. കശുവണ്ടിയോ നിലക്കടലയോ ബദാമോ പിസ്തയോ ഏതുമാകട്ടെ ദിവസവും ഒരു പിടി നട്സ് കഴിക്കുന്നത് ആരോഗ്യം മെച്ചപ്പെടുത്തുമെന്ന് വിദഗ്ധർ പറയുന്നു. പ്രത്യേകിച്ച് ഹൃദയാരോഗ്യം സംരക്ഷിക്കാന് ഇവ സഹായിക്കും. അതില് തന്നെ നിരവധി ആരോഗ്യ ഗുണങ്ങള് അടങ്ങിയതാണ് കശുവണ്ടി.
ആന്റി ഓക്സിഡന്റുകൾ, വിറ്റാമിനുകൾ, ധാതുക്കൾ, നാരുകൾ , പ്രോട്ടീൻ, ആരോഗ്യകരമായ കൊഴുപ്പുകൾ എന്നിവയാൽ സമ്പന്നമാണ് അണ്ടിപരിപ്പ് അഥവാ കശുവണ്ടി. അതുകൊണ്ടുതന്നെ ഇവ ശരീരത്തിന്റെ ആരോഗ്യത്തിന് ഏറെ നല്ലതാണ്. 100 ഗ്രാം കശുവണ്ടിയിൽ 18.22 ഗ്രാം പ്രോട്ടീൻ അടങ്ങിയിട്ടുണ്ട്. ഇതിൽ മോണോസാച്ചുറേറ്റഡ് ഫാറ്റി ആസിഡുകളുടെ ഗുണം അടങ്ങിയിട്ടുണ്ട്. കൂടാതെ മഗ്നീഷ്യം, പൊട്ടാസ്യം, അയേണ്, ഫോസ്ഫറസ്, സിങ്ക്, കോപ്പര് തുടങ്ങിയവയും ഇവയില് അടങ്ങിയിട്ടുണ്ട്. ഗ്ലൈസെമിക് സൂചിക കുറഞ്ഞ ഭക്ഷണമാണ് അണ്ടിപരിപ്പ്. ഇത് പ്രമേഹമുള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. അണ്ടിപരിപ്പിൽ പ്രമേഹ പ്രതിരോധ ഗുണങ്ങളുണ്ട്.
വിറ്റാമിനുകള്, കോപ്പര്, അയേണ്, സിങ്ക് തുടങ്ങിയവ അടങ്ങിയ കശുവണ്ടി രോഗപ്രതിരോധശേഷി കൂട്ടാന് മികച്ചതാണ്. ധാരാളം ആന്റിഓക്സിഡന്റുകള് അടങ്ങിയ കശുവണ്ടി ഹൃദയാരോഗ്യത്തിന് ഏറ്റവും മികച്ചതാണ്. കശുവണ്ടിയിൽ നല്ല കൊഴുപ്പിന്റെ അംശം കൂടുതലാണ്. കൂടാതെ ഫാറ്റി ആസിഡ് ഗണത്തിൽപ്പെട്ട ഒലീക് ആസിഡിന്റെ അളവും കൂടുതലാണ്. ഇത് ഹൃദ്രോഗങ്ങളെ ചെറുക്കാൻ സഹായിക്കുന്നു. കശുവണ്ടിയില് അടങ്ങിയിരിക്കുന്ന മഗ്നീഷ്യം രക്തസമ്മർദ്ദം കുറയ്ക്കാൻ സഹായിക്കുന്നു. മാത്രമല്ല പല്ലുകൾക്കും എല്ലുകള്ക്കും ബലം നൽകാനും മഗ്നിഷ്യം അനിവാര്യമാണ്. മോണോസാച്ചുറേറ്റഡ് ഫാറ്റി ആസിഡുകളും പോളിമോണോസാച്ചുറേറ്റഡ് ഫാറ്റി ആസിഡുകളും മഗ്നീഷ്യവും അടങ്ങിയ അണ്ടിപരിപ്പ് എല്ലുകളുടെ ആരോഗ്യത്തിന് ഏറെ നല്ലതാണ്.
പ്രമേഹ രോഗികള്ക്കും കഴിക്കാവുന്ന നട്സാണ് കശുവണ്ടി. ഗ്ലൈസെമിക് സൂചിക കുറഞ്ഞ ഭക്ഷണമാണ് അണ്ടിപരിപ്പ്. ഇത് പ്രമേഹമുള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു. കണ്ണുകളുടെ ആരോഗ്യത്തിനും കശുവണ്ടി കഴിക്കുന്നത് നല്ലതാണ് എന്നാണ് പഠനങ്ങള് പറയുന്നത്. ചര്മ്മത്തിന്റെ ആരോഗ്യത്തിനും ഇവ നല്ലതാണ്. വണ്ണം കുറയ്ക്കാന് ആഗ്രഹിക്കുന്നവര്ക്കും ഡയറ്റില് ഉള്പ്പെടുത്താവുന്ന ഒരു നട്സ് ആണ് കശുവണ്ടി. ഫൈബര് ധാരാളം അടങ്ങിയ കശുവണ്ടി ദിവസവും ഒരു പിടി കഴിക്കുന്നത് വിശപ്പ് കുറയ്ക്കാനും അതുവഴി ശരീര ഭാരത്തെ നിയന്ത്രിക്കാനും സഹായിക്കുമെന്നാണ് വിദഗ്ധര് പറയുന്നത്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: പ്രസവശേഷമുള്ള വയര് കുറയ്ക്കാന് കഴിക്കേണ്ട അഞ്ച് ഭക്ഷണങ്ങള്...