Health Tips: കൊളസ്ട്രോള് കുറയ്ക്കാന് പതിവായി കഴിക്കാം ഈ എട്ട് ഭക്ഷണങ്ങള്...
Synopsis
കൊഴുപ്പ് കൂടിയ ഭക്ഷണങ്ങള്, വ്യായാമമില്ലായ്മ, പുകവലി, അമിത മദ്യപാനം തുടങ്ങിയവയൊക്കെ കൊളസ്ട്രോള് കൂടാന് കാരണമാകും.
മോശം ജീവിതശൈലിയും മോശം ഭക്ഷണശീലവുമാണ് ശരീരത്തില് ചീത്ത കൊളസ്ട്രോള് വര്ധിക്കാന് കാരണം. കൊഴുപ്പ് കൂടിയ ഭക്ഷണങ്ങള്, വ്യായാമമില്ലായ്മ, പുകവലി, അമിത മദ്യപാനം തുടങ്ങിയവയൊക്കെ കൊളസ്ട്രോള് കൂടാന് കാരണമാകും. അതിനാല് ഇവയെല്ലാം ഒഴിവാക്കി ആരോഗ്യകരമായ ഭക്ഷണ ശീലം പിന്തുടര്ന്നാല് കൊളസ്ട്രോളിനെ നിയന്ത്രിക്കാന് സഹായിക്കും. അത്തരത്തില് ചീത്ത കൊളസ്ട്രോള് കുറയ്ക്കാന് പതിവായി കഴിക്കാവുന്ന എട്ട് ഭക്ഷണങ്ങളെ പരിചയപ്പെടാം...
ഒന്ന്...
ഓട്സ് ആണ് ആദ്യമായി ഈ പട്ടികയില് ഉള്പ്പെടുന്നത്. ഫൈബറും ബീറ്റാ ഗ്ലൂക്കന്സും ധാരാളം അടങ്ങിയ ഓട്സ് പതിവായി കഴിക്കുന്നത് ചീത്ത കൊളസ്ട്രോള് കുറയ്ക്കാന് സഹായിക്കും.
രണ്ട്...
ഫാറ്റി ഫിഷാണ് രണ്ടാമതായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് അടങ്ങിയ ഇവയും ചീത്ത കൊളസ്ട്രോള് കുറയ്ക്കാന് സഹായിക്കും.
മൂന്ന്...
നട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിനുകളും ആരോഗ്യകരമായ കൊഴുപ്പും അടങ്ങിയ നട്സുകള് കഴിക്കുന്നത് കൊളസ്ട്രോള് കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും. അതിനാല് ബദാം, വാള്നട്സ് തുടങ്ങിയവ കഴിക്കാം.
നാല്...
അവക്കാഡോയാണ് നാലാമതായി ഈ പട്ടികയില് ഉള്പ്പെടുന്നത്. ആരോഗ്യകരമായ കൊഴുപ്പും ആന്റി ഓക്സിഡന്റുകളും വിറ്റാമിനുകളും ധാരാളം അടങ്ങിയതാണ് അവക്കാഡോ. കൊളസ്ട്രോൾ കുറയ്ക്കാന് ദിവസവും ഒരു അവക്കാഡോ പഴം കഴിക്കുന്നത് നല്ലതാണ്.
അഞ്ച്...
ബ്ലൂബെറിയാണ് അടുത്തതായി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റ് ധാരാളം അടങ്ങിയ ബ്ലൂബെറി പോലെയുള്ള ബെറി പഴങ്ങളും കൊളസ്ട്രോളിനെ നിയന്ത്രിക്കാന് സഹായിക്കും.
ആറ്...
വെളുത്തുള്ളിയാണ് ആറാമതായി ഈ പട്ടികയില് ഉള്പ്പെടുന്നത്. ഇവയിലെ ആലിസിന് കൊളസ്ട്രോളിനെ കുറയ്ക്കാന് സഹായിക്കും.
ഏഴ്...
ഇലക്കറികളാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിനുകളും മറ്റ് പോഷകങ്ങളും അടങ്ങിയ ചീര പോലെയുള്ള ഇലക്കറികളും കൊളസ്ട്രോള് കുറയ്ക്കാന് സഹായിക്കും.
എട്ട്...
ഗ്രീന് ടീയാണ് അവസാനമായി ഈ പട്ടികയില് ഈ പട്ടികയില് ഉള്പ്പെടുന്നത്. ആന്റി ഓക്സിഡന്റ് ധാരാളം അടങ്ങിയ ഗ്രീന് ടീ പതിവാക്കുന്നത് കൊളസ്ട്രോളിനെ നിയന്ത്രിക്കാന് ഗുണം ചെയ്യും.
ശ്രദ്ധിക്കുക: ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില് മാറ്റം വരുത്തുക.
Also read: ഈ 12 ലക്ഷണങ്ങളെ നിസാരമായി കാണരുതേ, തൊണ്ടയിലെ ക്യാന്സറാകാം...