ഫ്രൂട്ട് ജ്യൂസ് കുടിക്കുന്നത് രക്തത്തിലെ പഞ്ചസാരയുടെ അളവ് വർധിപ്പിക്കുമോ?

പ്രമേഹരോഗികൾക്ക്, അവരുടെ പഞ്ചസാര ഉപഭോഗം ശ്രദ്ധിക്കേണ്ടത് വളരെ പ്രധാനമാണ്. രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് ഗുരുതരമായ ആരോഗ്യ പ്രത്യാഘാതങ്ങൾക്ക് കാരണമായേക്കാം. 

വിറ്റാമിനുകളും ആന്‍റിഓക്‌സിഡന്‍റുകളും കൊണ്ട് നിറഞ്ഞതാണ് പഴങ്ങള്‍. എന്നാല്‍ പഴച്ചാറ് അഥവാ ഫ്രൂട്ട് ജ്യൂസ് കുടിക്കുന്നത് പ്രമേഹ രോഗികള്‍ക്ക് അത്ര ഗുണം ചെയ്യില്ല എന്നാണ് ന്യൂട്രീഷ്യന്മാര്‍ പറയുന്നത്. പ്രമേഹരോഗികൾക്ക്, അവരുടെ പഞ്ചസാര ഉപഭോഗം ശ്രദ്ധിക്കേണ്ടത് വളരെ പ്രധാനമാണ്. രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് ഗുരുതരമായ ആരോഗ്യ പ്രത്യാഘാതങ്ങൾക്ക് കാരണമായേക്കാം.

പഴച്ചാറിന് ഉയർന്ന ഗ്ലൈസെമിക് സൂചികയാണുള്ളത്. ഇവ നിങ്ങളുടെ രക്തത്തിലെ പഞ്ചസാരയുടെ അളവ് വർധിപ്പിക്കും. ഒരു ഓറഞ്ച് കഴിക്കുമ്പോൾ, നിങ്ങൾക്ക് പഞ്ചസാര, നാരുകൾ എന്നിവയെല്ലാം ഒരുമിച്ച് ലഭിക്കും. നിങ്ങളുടെ ശരീരം പഞ്ചസാര ആഗിരണം ചെയ്യുന്നതിന്റെ വേഗത ഈ ഫൈബർ കുറയ്ക്കുന്നു. നിങ്ങളുടെ രക്തത്തിലെ പഞ്ചസാരയുടെ അളവ് സാവധാനത്തിലും സ്ഥിരമായും ഉയരുന്നു. എന്നാല്‍ ഓറഞ്ച് ജ്യൂസ് കുടിക്കുമ്പോൾ, ദഹന തടസ്സമില്ലാതെ പഞ്ചസാര ലഭിക്കും.

പഴച്ചാറിലെ സ്വാഭാവിക പഞ്ചസാര രണ്ട് ഘടകങ്ങളാൽ നിർമ്മിതമാണ്- ഫ്രക്ടോസ്, ഗ്ലൂക്കോസ്. പഴച്ചാറിൽ, പഴത്തിന്റെ നാരുകളിൽ ഭൂരിഭാഗവും നീക്കം ചെയ്യപ്പെടുന്നു. രക്തത്തിലെ പഞ്ചസാരയുടെ ആഗിരണം മന്ദഗതിയിലാക്കാൻ നാരുകൾ വളരെ അത്യാവശ്യമാണ്. നാരുകളുടെ സാന്നിധ്യമില്ലാതെ, പഴച്ചാറിലെ പഞ്ചസാര വേഗത്തിൽ ആഗിരണം ചെയ്യപ്പെടുന്നു, അതിനാൽ രക്തത്തിലെ ഗ്ലൂക്കോസിന്റെ അളവ് വേഗത്തിൽ വർധിക്കുന്നു. അതുകൊണ്ടാണ് ഡയറ്റീഷ്യാന്മാര്‍ ജ്യൂസിന് പകരം മുഴുവൻ പഴങ്ങളും കഴിക്കാൻ നിർദ്ദേശിക്കുന്നത്. ഒരു ഗ്ലാസ് ജ്യൂസ് ഉടനടി പ്രമേഹത്തിന് കാരണമാകില്ല. എന്നാൽ വർഷങ്ങളായി പഴങ്ങളുടെ ജ്യൂസ് പതിവായി കുടിക്കുന്നത് നല്ലതല്ല.