കൊവിഡ് 19; ഐസൊലേഷൻ വാർഡില് എന്താണ് ഭക്ഷണ മെനു ?
Synopsis
ലോകരാജ്യങ്ങളെയൊന്നാകെ ആശങ്കയിലാഴ്ത്തിക്കൊണ്ട് കൊവിഡ് 19 പടര്ന്നുപിടിക്കുന്ന സാഹചര്യത്തില് അതീവ ജാഗ്രതയിലാണ് രാജ്യങ്ങള്. കൊവിഡ് 19 രോഗബാധിത പ്രദേശങ്ങളില് നിന്നും വന്നവരിലും അല്ലാത്തവരിലും രോഗലക്ഷണമുള്ളവരെ ഐസൊലേഷന് സൗകര്യമുള്ള ആശുപത്രികളിലും രോഗലക്ഷണങ്ങളില്ലാത്തവരെ വീടുകളിലും നിരീക്ഷണത്തിലാക്കുകയുമാണ് ഇപ്പോള് ചെയ്യുന്നത്.
ലോകരാജ്യങ്ങളെയൊന്നാകെ ആശങ്കയിലാഴ്ത്തിക്കൊണ്ട് കൊവിഡ് 19 പടര്ന്നുപിടിക്കുന്ന സാഹചര്യത്തില് അതീവ ജാഗ്രതയിലാണ് രാജ്യങ്ങള്. കൊവിഡ് 19 രോഗബാധിത പ്രദേശങ്ങളില് നിന്നും വന്നവരിലും അല്ലാത്തവരിലും രോഗലക്ഷണമുള്ളവരെ ഐസൊലേഷന് സൗകര്യമുള്ള ആശുപത്രികളിലും രോഗലക്ഷണങ്ങളില്ലാത്തവരെ വീടുകളിലും നിരീക്ഷണത്തിലാക്കുകയുമാണ് ഇപ്പോള് ചെയ്യുന്നത്.
ഈ ഐസൊലേഷന് വാര്ഡിലെ ജീവിതം എല്ലാവരും വിചാരിക്കുന്ന പോലെ അത്ര വിഷമകരമല്ല എന്ന് സൂചിപ്പിക്കുന്ന ഒരു പോസ്റ്റാണ് സോഷ്യല് മീഡിയയില് ഇപ്പോള് വൈറലാകുന്നത്. കളമശേരി മെഡിക്കൽ കോളജ് ഐസൊലേഷൻ വാർഡിലെ ഭക്ഷണത്തിന്റെ മെനുവാണ് റിബിന് രാജു (ജേണലിസ്റ്റ് , മാതൃഭൂമി ന്യൂസ് ) തന്റെ ഫേസ്ബുക്ക് പോസ്റ്റില് കുറിച്ചത്.
ഐസൊലേഷൻ വാർഡില് കഴിയുന്നവര്ക്ക് നല്കുന്ന ഭക്ഷണത്തിന്റെ ചിത്രവും അദ്ദേഹം പോസ്റ്റ് ചെയ്തിട്ടുണ്ട്. സ്വദേശികള്ക്കും വിദേശികള്ക്കും പ്രത്യേകമാണ് ഭക്ഷണം. ദോശ -സാമ്പാര് , രണ്ട് മുട്ട, ഓറഞ്ച് തുടങ്ങിയവയാണ് പ്രഭാത ഭക്ഷണം. ഇടയ്ക്ക് ഫ്രൂട്ട് ജ്യൂസും നല്കും. ഉച്ചയ്ക്ക് ചോറ്, ചപ്പാത്തി , മീന് പെരിച്ചത് , തോരന് , തൈര് എന്നിവയാകും നല്കുക. വൈകുന്നേരം ചായയോടൊപ്പം ബിസ്കറ്റ് , പഴംപൊരി / വട എന്നിവയും കാണും. രാത്രി അപ്പം , വെജ് സ്റ്റ്യൂ, പഴം എന്നിങ്ങനെ പോകുന്നു മെനു. കുട്ടികള്ക്ക് പാലും കൊടുക്കും. വിദേശികള്ക്ക് അവരുടേതായ ഭക്ഷണവും നല്കും.