Health Tips: സ്ട്രെസ് അഥവാ മാനസിക സമ്മര്ദ്ദം കുറയ്ക്കാന് കഴിക്കേണ്ട പത്ത് ഭക്ഷണങ്ങള്
Synopsis
സ്ട്രെസ് കുറയ്ക്കാനായി യോഗ ചെയ്യുക, ഒപ്പം ഭക്ഷണകാര്യത്തിലും ശ്രദ്ധ വേണം. അത്തരത്തില് സ്ട്രെസ് കുറയ്ക്കാന് കഴിക്കേണ്ട ചില ഭക്ഷണങ്ങളെ പരിചയപ്പെടാം.
'സ്ട്രെസ്' അഥവാ മാനസിക സമ്മര്ദ്ദം ഇന്ന് പലരും അനുഭവിക്കുന്ന ഒരു സാധാരണ പ്രശ്നമാണ്. പല കാരണങ്ങള് കൊണ്ടും മാനസിക സമ്മര്ദ്ദം ഉണ്ടാകാം. ഇവയുടെ കൃത്യമായ കാരണം കണ്ടെത്തി പരിഹാരം തേടുകയാണ് വേണ്ടത്. സ്ട്രെസ് കുറയ്ക്കാന് കഴിക്കേണ്ട ചില ഭക്ഷണങ്ങളെ പരിചയപ്പെടാം.
1. ചീര
ചീര പോലെയുള്ള ഇലക്കറികളില് മഗ്നീഷ്യം, ഫോളേറ്റ്, തുടങ്ങിയ പല പോഷകങ്ങളും അടങ്ങിയിട്ടുണ്ട്. പ്രത്യേകിച്ച് മഗ്നീഷ്യം സ്ട്രെസ് കുറയ്ക്കാനും മാനസികാരോഗ്യം മെച്ചപ്പെടുത്താനും സഹായിക്കും.
2. മത്തങ്ങാ വിത്ത്
മത്തങ്ങാ വിത്തിലും മഗ്നീഷ്യം അടങ്ങിയിട്ടുണ്ട്. അതിനാല് ഇവ കഴിക്കുന്നതും സ്ട്രെസ് കുറയ്ക്കാന് സഹായിക്കും.
3. ഫാറ്റി ഫിഷ്
ഫാറ്റി ഫിഷ് ഗണത്തില്പ്പെടുന്ന മീനുകളായ സാല്മണ്, ചാള തുടങ്ങിയവയില് അടങ്ങിയിരിക്കുന്ന ഒമേഗ-3 ഫാറ്റ് ആസിഡ് മാനസികാരോഗ്യം സംരക്ഷിക്കാന് സഹായിക്കും.
4. നട്സും സീഡുകളും
ബദാം, വാള്നട്സ്, ചിയാ സീഡ്, ഫ്ലക്സ് സീഡ് തുടങ്ങിയ ഒമേഗ-3 ഫാറ്റ് ആസിഡ് അടങ്ങിയ നട്സും സീഡുകളും കഴിക്കുന്നതും സ്ട്രെസ് കുറയ്ക്കാനും മാനസികാരോഗ്യം മെച്ചപ്പെടുത്താനും ഗുണം ചെയ്യും.
5. ബ്ലൂബെറി
വിറ്റാമിന് സിയും മറ്റ് ആന്റി ഓക്സിഡന്റുകളും അടങ്ങിയ ബ്ലൂബെറി ഡയറ്റില് ഉള്പ്പെടുത്തുന്നതും സ്ട്രെസ് കുറയ്ക്കാന് ഗുണം ചെയ്യും.
6. പയറുവര്ഗങ്ങളും മുഴുധാന്യങ്ങളും
വിറ്റാമിന് ബിയും മറ്റ് ആന്റി ഓക്സിഡന്റുകളും അടങ്ങിയ പയറുവര്ഗങ്ങളും മുഴുധാന്യങ്ങളും ഡയറ്റില് ഉള്പ്പെടുത്തുന്നതും സ്ട്രെസ് കുറയ്ക്കാന് ഗുണം ചെയ്യും.
7. ഡാര്ക്ക് ചോക്ലേറ്റ്
ഡാര്ക്ക് ചോക്ലേറ്റില് അടങ്ങിയിരിക്കുന്ന മഗ്നീഷ്യം സ്ട്രെസ് കുറയ്ക്കാന് സഹായിക്കും.
8. വാഴപ്പഴം
വാഴപ്പഴം ഡയറ്റില് ഉള്പ്പെടുത്തുന്നതും സ്ട്രെസ് കുറയ്ക്കാനും മാനസികാരോഗ്യം മെച്ചപ്പെടുത്താനും സഹായിക്കും.
9. അവക്കാഡോ
അവക്കാഡോയില് അടങ്ങിയിട്ടുള്ള വിറ്റാമിന് ബി വിഷാദവും സ്ട്രെസും കുറയ്ക്കാന് സഹായിക്കും.
10. തൈര്
പ്രീബയോട്ടിക് ഗുണങ്ങള് അടങ്ങിയ തൈരും മാനസികാരോഗ്യം സംരക്ഷിക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.