വണ്ണം കുറയ്ക്കണോ? രാവിലെ കുടിക്കാം ഈ പാനീയങ്ങൾ...
Synopsis
വണ്ണം കുറയ്ക്കാനായി കൊഴുപ്പും കാര്ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള് ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടത്.
വണ്ണം കുറയ്ക്കാനുള്ള ശ്രമത്തിലാണോ? വണ്ണം കുറയ്ക്കാനായി കൊഴുപ്പും കാര്ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള് ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടത്. അത്തരത്തില് വണ്ണം കുറയ്ക്കാൻ സഹായിക്കുന്ന കലോറി കുറഞ്ഞ ചില പാനീയങ്ങളെ പരിചയപ്പെടാം...
ഒന്ന്...
നാരങ്ങ- പുതിന ചായ ആണ് ആദ്യമായി ഈ പട്ടികയില് ഉള്പ്പെടുന്നത്. ഇവ ശരീരഭാരം നിയന്ത്രിക്കാന് സഹായിക്കും. വിറ്റാമിന് സി അടങ്ങിയ ഈ പാനീയം രോഗ പ്രതിരോധശേഷി കൂട്ടാനും ദഹനം മെച്ചപ്പെടുത്താനും സഹായിക്കും.
രണ്ട്...
ഇഞ്ചി ചായയും ഭാരം കുറയ്ക്കാന് ഏറെ സഹായകമാണ്. ദിവസവും രാവിലെ ഇഞ്ചി ചായ കുടിക്കുന്നത് വയറിലെ കൊഴുപ്പ് കുറയ്ക്കാനും സഹായിക്കും. രക്തത്തിലെ പഞ്ചസാരയുടെ അളവിനെ നിയന്ത്രിക്കാനും ഇത് സഹായിക്കും.
മൂന്ന്...
ഗ്രീന് ടീ ആണ് അടുത്തതായി ഈ പട്ടികയില് ഉള്പ്പെടുന്നത്. ഗ്രീന് ടീ കുടിച്ചാല് ഭാരം കുറയ്ക്കാനാവുമെന്ന് പഠനങ്ങൾ തന്നെ വ്യക്തമാക്കുന്നുണ്ട്. കൂടാതെ ആന്റി ഓക്സിഡന്റുകള് ധാരാളം അടങ്ങിയ ഗ്രീന് ടീ കുടിക്കുന്നത് രക്തത്തിലെ പഞ്ചസാരയുടെ അളവിനെ നിയന്ത്രിക്കാനും രക്തസമ്മര്ദ്ദത്തെ നിയന്ത്രിക്കാനും സഹായിക്കും.
നാല്...
ബീറ്റ്റൂട്ട് ജ്യൂസാണ് അവസാനമായി ഈ പട്ടികയില് ഉള്പ്പെടുന്നത്. ബീറ്റ്റൂട്ടില് കലോറി വളരെ കുറവാണ്. ഇവയില് നാരുകളും ധാരാളമായി അടങ്ങിയിട്ടുണ്ട്. കൊഴുപ്പും കുറവായതിനാല് ബീറ്റ്റൂട്ട് ജ്യൂസ് രാവിലെ വെറും വയറ്റില് കുടിക്കുന്നത് വണ്ണം കുറയ്ക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: പ്രമേഹ രോഗികള്ക്ക് പേടിക്കാതെ കഴിക്കാം ഈ 'ഫ്രൂട്ട്'