Health Tips: വൃക്കകളുടെ ആരോഗ്യം സംരക്ഷിക്കാന് കഴിക്കേണ്ട എട്ട് ഭക്ഷണങ്ങള്
Synopsis
വൃക്കകളുടെ ആരോഗ്യം സംരക്ഷിക്കാന് ഭക്ഷണക്രമത്തില് ശ്രദ്ധ വേണം. അത്തരത്തില് വൃക്കകളുടെ ആരോഗ്യത്തിനായി കഴിക്കേണ്ട ചില ഭക്ഷണങ്ങളെ പരിചയപ്പെടാം.
പല കാരണങ്ങള് കൊണ്ടും വൃക്കകളുടെ ആരോഗ്യം മോശമാകാം. വൃക്കകളുടെ ആരോഗ്യം സംരക്ഷിക്കാന് ഭക്ഷണക്രമത്തില് ശ്രദ്ധ വേണം. അത്തരത്തില് വൃക്കകളുടെ ആരോഗ്യത്തിനായി കഴിക്കേണ്ട ചില ഭക്ഷണങ്ങളെ പരിചയപ്പെടാം.
1. കോളിഫ്ലവര്
നാരുകള്, വിറ്റാമിന് സി, ആന്റിഓക്സിഡന്റുകള് തുടങ്ങിയവ അടങ്ങിയതും പൊട്ടാസ്യം കുറഞ്ഞതുമായ കോളിഫ്ലവര് ഡയറ്റില് ഉള്പ്പെടുത്തുന്നത് വൃക്കകളുടെ ആരോഗ്യം സംരക്ഷിക്കാന് സഹായിക്കും.
2. ബ്ലൂബെറി
പൊട്ടാസ്യം വളരെ കുറവും ആന്റിഓക്സിഡന്റുകള് ധാരാളം അടങ്ങിയതുമായ ബ്ലൂബെറി ഡയറ്റില് ഉള്പ്പെടുത്തുന്നതും വൃക്കകളുടെ ആരോഗ്യം സംരക്ഷിക്കാന് സഹായിക്കും.
3. വെളുത്തുള്ളി
ആന്റി ഇന്ഫ്ലമേറ്ററി, ആന്റി ബാക്ടീരിയല് ഗുണങ്ങള് അടങ്ങിയതുമായ വെളുത്തുള്ളിയും വൃക്കകളുടെ ആരോഗ്യം സംരക്ഷിക്കാനും സഹായിക്കും.
4. ആപ്പിള്
ഫൈബറും വിറ്റാമിനുകളും ആന്റി ഓക്സിഡന്റുകളും അടങ്ങിയ ആപ്പിള് കഴിക്കുന്നതും വൃക്കകളുടെ ആരോഗ്യം സംരക്ഷിക്കാന് ഗുണം ചെയ്യും.
5. കാബേജ്
നാരുകളും വിറ്റാമിന് കെ, സി, ബി6 തുടങ്ങിയവ അടങ്ങിയ കാബേജും വൃക്കകളുടെ ആരോഗ്യത്തിന് നല്ലതാണ്. ഇവയില് പൊട്ടാസ്യം കുറവുമാണ്.
6. റെഡ് ബെല് പെപ്പര്
ചുവന്ന കാപ്സിക്കത്തില് പൊട്ടാസ്യം വളരെ കുറവും വിറ്റാമിന് സി, ആന്റി ഓക്സിഡന്റുകള് എന്നിവ അടങ്ങിയതുമാണ്. അതിനാല് വൃക്കകളുടെ ആരോഗ്യത്തിന് ഇവയും നല്ലതാണ്.
7. മഞ്ഞള്
മഞ്ഞളിലെ കുര്കുമിന് ആന്റി ഇന്ഫ്ലമേറ്ററി, ആന്റിഓക്സിഡന്റ് ഗുണങ്ങളുണ്ട്. ഇവ വൃക്കകളുടെ ആരോഗ്യത്തിന് നല്ലതാണ്.
8. മുട്ടയുടെ വെള്ള
മുട്ടയുടെ വെള്ള ഡയറ്റില് ഉള്പ്പെടുത്തുന്നത് വൃക്കകളുടെ ആരോഗ്യം സംരക്ഷിക്കാന് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.