ദിവസവും ഡയറ്റില് ഉള്പ്പെടുത്താം പൈനാപ്പിള് ജ്യൂസ്; അറിയാം ഈ ഗുണങ്ങള്...
Synopsis
വിറ്റാമിന് സി അടങ്ങിയ പൈനാപ്പിള് രോഗപ്രതിരോധശേഷി വര്ധിപ്പിക്കാന് സഹായിക്കും. ദഹനത്തെ സഹായിക്കാനും പൈനാപ്പിളിന് കഴിയും. ബീറ്റാ കരോട്ടിന്, ഫോസ്ഫറസ്, പൊട്ടാസ്യം, ഫോളിക് ആസിഡ്, കാത്സ്യം, മഗ്നീഷ്യം തുടങ്ങിയവ അടങ്ങിയതാണ് പൈനാപ്പിള്.
നിരവധി ഗുണങ്ങള് അടങ്ങിയ ഒരു പഴമാണ് പൈനാപ്പിള്. പൈനാപ്പിൾ ആന്റി ഓക്സിഡന്റുകളുടെ നല്ല ഉറവിടമാണ്, കൂടാതെ ഇവയ്ക്ക് ആന്റി-ഇൻഫ്ലമേറ്ററി ഗുണങ്ങളുമുണ്ട്. വിറ്റാമിന് സി അടങ്ങിയ പൈനാപ്പിള് രോഗപ്രതിരോധശേഷി വര്ധിപ്പിക്കാന് സഹായിക്കും. ദഹനത്തെ സഹായിക്കാനും പൈനാപ്പിളിന് കഴിയും. ബീറ്റാ കരോട്ടിന്, ഫോസ്ഫറസ്, പൊട്ടാസ്യം, ഫോളിക് ആസിഡ്, കാത്സ്യം, മഗ്നീഷ്യം തുടങ്ങിയവ അടങ്ങിയതാണ് പൈനാപ്പിള്.
പൈനാപ്പിള് ജ്യൂസ് ദിവസവും കുടിക്കുന്ന കൊണ്ടുള്ള ഗുണങ്ങള് എന്തൊക്കെയാണെന്ന് നോക്കാം.
ഒന്ന്...
പൈനാപ്പിള് ജ്യൂസ് കുടിക്കുന്നത് ദഹനത്തിന് ഏറെ നല്ലതാണ്. 'ബ്രോംലൈന്' എന്ന ഒരു ഡൈജസ്റ്റീവ് എൻസൈം പൈനാപ്പിളിൽ ഉണ്ട്. ഇതാണ് ദഹനത്തിന് സഹായിക്കുന്നത്. കൂടാതെ ഇവയില് ഫൈബറും ധാരാളം അടങ്ങിയിട്ടുണ്ട്. അതിനാല് വയറുവേദന, വയറിളക്കം, മലബന്ധം തുടങ്ങിയവയെ തടയാന് പൈനാപ്പിള് ജ്യൂസ് സഹായിക്കും.
രണ്ട്...
പൈനാപ്പിള് ജ്യൂസ് ഡയറ്റില് ഉള്പ്പെടുത്തുന്നത് എല്ലുകളുടെ ആരോഗ്യത്തിന് ഏറെ നല്ലതാണ്. എല്ലുകളുടെ വളർച്ചയ്ക്കു ആവശ്യമായ മാംഗനീസ്, കാത്സ്യം തുടങ്ങിയവ പൈനാപ്പിളിലുണ്ട്. കൂടാതെ വിറ്റാമിന് സിയുമുണ്ട്. സന്ധിവാതമുള്ളവര്ക്ക് അതിന്റെ ഭാഗമായി അനുഭവപ്പെടുന്ന വിഷമതകള് ലഘൂകരിക്കാനും പൈനാപ്പിള് സഹായിക്കും. എല്ലുകളുടെയും പല്ലുകളുടെയും ആരോഗ്യത്തിന് പൈനാപ്പിള് ജ്യൂസ് ഡയറ്റില് ഉള്പ്പെടുത്തുന്നത് നല്ലതാണ്.
മൂന്ന്...
ഫൈബര് ധാരാളം അടങ്ങിയ പൈനാപ്പിള് ജ്യൂസ് കുടിക്കുന്നത് ഹൃദയത്തിന്റെ ആരോഗ്യത്തിന് ഏറെ നല്ലതാണ്. കൊളസ്ട്രോളിനെ വിഘടിപ്പിച്ച് ഹൃദയാരോഗ്യമേകാൻ പൈനാപ്പിളില് അടങ്ങിയിരിക്കുന്ന ബ്രോംലൈന് സഹായിക്കും. അതുപോലെ തന്നെ, പൈനാപ്പിളില് അടങ്ങിയിരിക്കുന്ന പൊട്ടാസ്യം രക്തസമ്മര്ദ്ദത്തെ നിയന്ത്രിക്കാനും സഹായിക്കും.
നാല്...
വിറ്റാമിന് സി ധാരാളം അടങ്ങിയ പൈനാപ്പിള് ജ്യൂസ് കുടിക്കുന്നത് രോഗപ്രതിരോധശക്തി വർധിപ്പിക്കാനും സഹായിക്കും.
അഞ്ച്...
വിറ്റാമിന് സി അടങ്ങിയ പൈനാപ്പിള് ജ്യൂസ് കോളാജിന് വര്ധിപ്പിക്കാനും സഹായിക്കും. പൈനാപ്പിളിൽ അടങ്ങിയ വിറ്റാമിൻ സി ചർമ്മത്തിന്റെ ആരോഗ്യം മെച്ചപ്പെടുത്താനും സഹായിക്കും.
ആറ്...
വിറ്റാമിന് എയും ആന്റി ഓക്സിഡന്റുകളും അടങ്ങിയ പൈനാപ്പിള് ജ്യൂസ് കുടിക്കുന്നത് കണ്ണുകളുടെ ആരോഗ്യത്തിനും നല്ലതാണ്.
ശ്രദ്ധിക്കുക: നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുന്നതാവും നിങ്ങളുടെ ആരോഗ്യത്തിന് നല്ലത്.
Also Read: ദിവസവും ഡയറ്റില് ഉള്പ്പെടുത്താം മധുരക്കിഴങ്ങ്; അറിയാം ഈ ഗുണങ്ങള്...
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം