ഹെല്‍ത്തി ബീറ്റ്റൂട്ട് കട്‌ലറ്റ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം കട്‌ലറ്റ് റെസിപ്പികള്‍. ഇന്ന് മേരി നേസൺ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ബീറ്റ്റൂട്ട് കൊണ്ട് ഹെല്‍ത്തി കട്‌ലറ്റ് തയ്യാറാക്കിയാലോ?

വേണ്ട ചേരുവകൾ

ബീറ്റ്റൂട്ട് -1 കപ്പ്

സവാള -1/2 കപ്പ്

പച്ചമുളക് -2 എണ്ണം

മൈദ -2 സ്പൂൺ

മഞ്ഞൾ പൊടി -1/2 സ്പൂൺ

മുളക് പൊടി -1 സ്പൂൺ

കുരുമുളക് പൊടി -1/2 സ്പൂൺ

ഉപ്പ് -1 സ്പൂൺ

ഉരുളക്കിഴങ്ങ് -1 കപ്പ്

ഗരം മസാല -1 സ്പൂൺ

തയ്യാറാക്കുന്ന വിധം

ബീറ്റ്റൂട്ട് നല്ലപോലെ ചീകിയെടുത്ത് ഒരു പാത്രത്തിലേക്ക് ഇട്ടുകൊടുക്കുക. എന്നിട്ട് അതിലേക്ക് ആവശ്യത്തിന് ഉരുളക്കിഴങ്ങ് വേവിച്ച് ഉടച്ചതും ആവശ്യത്തിനു ഉപ്പും കുരുമുളകുപൊടിയും മൈദ, ഗരം മസാല, മഞ്ഞൾപ്പൊടി, പച്ചമുളക്, മല്ലിയില, സവാള ചെറുതായി അരിഞ്ഞതും കൂടി ചേർത്തുകൊടുത്തതിന് ശേഷം നല്ലപോലെ കൈകൊണ്ട് കുഴച്ചെടുക്കുക. കുഴച്ചെടുത്തതിനുശേഷം ഇതിനെ ചെറിയ ഉരുളകളാക്കി മാറ്റിവയ്ക്കക. ഇനി ഒരു പാൻ വെച്ച് ചൂടാകുമ്പോൾ അതിലേക്ക് ആവശ്യത്തിന് എണ്ണ ഒഴിച്ചുകൊടുത്തതിനുശേഷം ഉരുളകളെ കട്‌ലറ്റ് ആകൃതിയിലാക്കി നിരത്തിക്കൊടുത്തു ചെറിയ തീയിൽ വേവിച്ചെടുക്കുക.