നാടൻ രുചിയിൽ സ്പെഷ്യൽ നെയ്യപ്പം ; റെസിപ്പി

നല്ല രുചിയോട് കൂടി നാടൻ നെയ്യപ്പം ഉണ്ടാക്കുന്നത് എങ്ങനെയെന്ന് നോക്കാം. റഷീദ പി കെ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

നെയ്യപ്പം ഇനി മുതൽ ഈ രീതിയിൽ തയ്യാറാക്കി നോക്കൂ. 

വേണ്ട ചേരുവകൾ

• പച്ചരി                                                2 കിലോ (4  മണിക്കൂർ കുതിർത്ത് എടുക്കുക) 
• ശർക്കര                                           1 1/2 കിലോ (1/2 ഗ്ലാസ് വെള്ളത്തിൽ ഉരുക്കി എടുക്കുക)
• മൈദ                                                1 1/2 കിലോ
• വെളിച്ചെണ്ണ                                    2 കിലോ
• ജീരകം                                             2 1/2 സ്പൂൺ
• ഏലക്ക                                               25
• ചെറിയ ഉള്ളി                               1/2 കഷ്ണം 
• ഉപ്പ്                                                     50 ​ഗ്രാം
• തേങ്ങ ചിരവിയത്                        2  വലുത് 

തയ്യാറാക്കുന്ന വിധം 

ഉരുക്കിയെടുത്ത ശർക്കരപാനി ചൂടറിയാൽ തേങ്ങ, പച്ചരി,  ജീരകം, ചെറിയ ഉള്ളി, ഏലക്ക,  ഉപ്പ് എല്ലാംകൂടി തരിതരിപ്പായി അരച്ചെടുക്കുക. ഇതിൽ 3 ഗ്ലാസ് മാവ് മാത്രം നന്നായി അരച്ച് ചേർത്ത് കൂടെ മൈദ ചേർത്ത് കലക്കി എടുക്കാം.  ഇഡലി മാവിന്റെ പരുവത്തിൽ ഇനി 1to 4 മണിക്കൂർ  മൂടി വച്ച്  കട്ടി കൂടുതൽ ആണെങ്കിൽ കുറച്ചു ചെറുചൂടുവെള്ളം ചേർക്കാം. ചൂടോടെ ചുട്ടെടുക്കാം.