പഴമയുടെ രുചിയിൽ തിരുവാതിര പുഴുക്ക് തയ്യാറാക്കാം ; റെസിപ്പി

പോഷകങ്ങൾ നിറഞ്ഞ സ്വാദിഷ്ഠമായ പുഴുക്ക് തിരുവാതിര ദിനത്തിൽ തയ്യാറാക്കുന്നത് എങ്ങനെയെന്ന് നോക്കിയാലോ?. സരിത സുരേഷ് തയ്യാറാക്കിയ പാചകക്കുറിപ്പ്.  

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

തിരുവാതിരയ്ക്ക് തയ്യാറാക്കുന്ന സ്‌പെഷ്യൽ വിഭവമാണ് തിരുവാതിരപ്പുഴുക്ക്. പോഷകങ്ങൾ നിറഞ്ഞ സ്വാദിഷ്ഠമായ പുഴുക്ക് തിരുവാതിര ദിനത്തിൽ ത‌യ്യാറാക്കുന്നത് എങ്ങനെയെന്ന് നോക്കിയാലോ?.

വേണ്ട ചേരുവകൾ 

• 1.വൻപയർ                                    കാൽ കപ്പ് 
• 2. കപ്പ ( അരിഞ്ഞത് )                  അര കപ്പ് 
• 3. കാച്ചിൽ ( അരിഞ്ഞത് )          അര കപ്പ് 
• 4. ചേന ( അരിഞ്ഞത് )                  അര കപ്പ് 
• 5. ചേമ്പ് ( അരിഞ്ഞത് )                അര കപ്പ് 
• 6. ചെറു കിഴങ്ങ് ( അരിഞ്ഞത് ) അര കപ്പ് 
• 7. ഏത്തയ്‌ക്ക ( അരിഞ്ഞത് )      അര കപ്പ് 
• 8. കൂർക്ക ( അരിഞ്ഞത് )              അര കപ്പ് 
• 9. മഞ്ഞൾപ്പൊടി                          ഒരു ടീ സ്പൂൺ 
• 10. ഉപ്പ്                                             ആവശ്യത്തിന് 
• 11. വെളിച്ചെണ്ണ                             കാൽ കപ്പ് 
• 12. തേങ്ങ ( ചുരണ്ടിയത് )           ഒന്നര കപ്പ് 
• 13. ജീരകം                                      അര ടീ സ്പൂൺ 
• 14. മഞ്ഞൾപ്പൊടി                        അര ടീ സ്പൂൺ 
• 15. മുളകുപൊടി                           ഒരു ടീ സ്പൂൺ 
• 16. പച്ചമുളക്                                  രണ്ട് എണ്ണം 
• 17. കറിവേപ്പില                             രണ്ട് കതിർപ്പ് 

പാകം ചെയ്യുന്ന വിധം 

ആദ്യം വൻപയർ വേവിച്ചു വയ്ക്കുക. ഒരു ഉരുളിയിലോ, ചുവടു കട്ടിയുള്ള പാത്രത്തിലോ രണ്ടു മുതൽ എട്ടു വരെയുള്ള ചേരുവകൾ മഞ്ഞൾപ്പൊടി, ഉപ്പ്, പാകത്തിനു വെള്ളം എന്നിവ ചേർത്ത് വേവിയ്ക്കുക. അതിലേക്ക് വേവിച്ച വൻപയർ ചേർക്കുക. പന്ത്രണ്ട് മുതൽ പതിനേഴു വരെയുള്ള ചേരുവകൾ അരച്ച് വെന്ത കഷ്ണങ്ങളിൽ ചേർത്ത് ഇളക്കുക. അരപ്പ് വെന്തു കഴിയുമ്പോൾ വെളിച്ചെണ്ണ ചേർത്ത് വാങ്ങുക.