ലെമൺ മല്ലിയില ക്ലിയർ സൂപ്പ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സൂപ്പ് റെസിപ്പികള്‍. ഇന്ന് അഞ്ജലി രമേശന്‍ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

നല്ല ഹെല്‍ത്തിയായിട്ടുള്ള ലെമൺ മല്ലിയില ക്ലിയർ സൂപ്പ് തയ്യാറാക്കിയാലോ?

വേണ്ട ചേരുവകൾ

നാരങ്ങ -1 എണ്ണം

മല്ലിയില -3 സ്പൂൺ

വെള്ളം -2 ഗ്ലാസ്‌

ഉപ്പ് -1 സ്പൂൺ

കുരുമുളക് -1 സ്പൂൺ

ക്യാപ്‌സിക്കം -2 സ്പൂൺ

ക്യാബേജ് -2 സ്പൂൺ

വെളുത്തുള്ളി -1 സ്പൂൺ

തയ്യാറാക്കുന്ന വിധം

ഒരു പാനില്‍ വെള്ളം ഒഴിച്ച് നന്നായി തിളച്ചു കഴിയുമ്പോൾ അരിഞ്ഞുവച്ച പച്ചക്കറികളും ഉപ്പും ചേർത്ത് നല്ലതുപോലെ തിളപ്പിച്ചെടുക്കുക. തിളച്ചു കഴിയുമ്പോൾ അതിലേക്ക് ആവശ്യത്തിന് കുരുമുളകുപൊടി ചേർത്തു കൊടുത്തതിന് ശേഷം അതിലേക്ക് മല്ലിയിലയും ഇട്ടുകൊടുക്കാം. ഇനി ഇത് നന്നായി തിളപ്പിച്ചതിനു ശേഷം ഇതിലേയ്ക്ക് ആവശ്യത്തിന് നാരങ്ങാനീര് കൂടി ചേർത്തു കൊടുക്കാം. നല്ല ക്ലിയർ ആയിട്ടുള്ള ഹെല്‍ത്തി സൂപ്പ് റെഡി.