സ്പെഷ്യല്‍ മസാല ബട്ടർ മിൽക്ക് വീട്ടില്‍ തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം സ്ട്രീറ്റ് ഫുഡ് റെസിപ്പികൾ. ഇന്ന് സോനം മിശ്ര തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

മസാല ബട്ടർ മിൽക്ക് അഥവാ മസാല ചാസ് വീട്ടില്‍ തയ്യാറാക്കിയാലോ?

വേണ്ട ചേരുവകൾ

മല്ലിയില -2 സ്പൂൺ

പുതിനയില -2 സ്പൂൺ

പച്ചമുളക് -1 എണ്ണം

വറുത്ത ജീരകപ്പൊടി -1 സ്പൂൺ

കറുത്ത ഉപ്പ് -1/2 സ്പൂൺ

തൈര് -1 ഗ്ലാസ്സ്

ഐസ് ക്യൂബുകൾ - ആവശ്യത്തിന്

തയ്യാറാക്കുന്ന വിധം

മല്ലിയില, പുതിനയില, പച്ചമുളക്, വറുത്ത ജീരകപ്പൊടി, ആവശ്യത്തിന് ഉപ്പ്, തൈര് എന്നിവ നല്ലതുപോലെ മിക്സി ജാറിൽ ഒന്ന് അരച്ചെടുക്കുക. അതിനുശേഷം ഒരു ഗ്ലാസിലേയ്ക്ക് അരിച്ചൊഴിച്ചതിനുശേഷം ഐസ്ക്യൂബ് കൂടി ചേർത്ത് കൊടുക്കാവുന്നതാണ്. ഇതോടെ മസാല ബട്ടർ മിൽക്ക് റെഡി.