അമിതമായി ഭക്ഷണം കഴിക്കുന്നത് അമിത വണ്ണം, ടൈപ്പ് 2 പ്രമേഹം, ഉയർന്ന രക്തസമ്മർദ്ദം, ഹൃദ്രോഗം, പക്ഷാഘാതം എന്നിങ്ങനെ വിവിധ ആരോഗ്യപ്രശ്നങ്ങൾക്ക് കാരണമാകും. അമിതമായി ഭക്ഷണം കഴിക്കുമ്പോൾ ശരീരം അധിക കലോറി കൊഴുപ്പായി സംഭരിക്കുന്നു, ഇത് ശരീരഭാരം വർധിപ്പിക്കുന്നതിനും അമിതവണ്ണത്തിനും കാരണമാകുന്നു. വയറുവേദന, ദഹനക്കേട് തുടങ്ങിയ ദഹനപ്രശ്‌നങ്ങൾക്കും ഇത് കാരണമാകും.
ഒരു വ്യക്തി ശരീരത്തിന് ആവശ്യമുള്ളതിനേക്കാൾ കൂടുതൽ ഭക്ഷണം കഴിക്കുന്ന അവസ്ഥ ശരീരത്തിന് ഒട്ടും നന്നല്ല. ലോകമെമ്പാടുമുള്ള ധാരാളം വ്യക്തികളെ ബാധിക്കുന്ന വളരെ സാധാരണമായ ഒരു പ്രശ്നമാണിത്. അമിതമായി ഭക്ഷണം കഴിക്കുന്നത് അമിത വണ്ണം, ടൈപ്പ് 2 പ്രമേഹം, ഉയർന്ന രക്തസമ്മർദ്ദം, ഹൃദ്രോഗം, പക്ഷാഘാതം എന്നിങ്ങനെ വിവിധ ആരോഗ്യപ്രശ്നങ്ങൾക്ക് കാരണമാകും. അമിതമായി ഭക്ഷണം കഴിക്കുമ്പോൾ ശരീരം അധിക കലോറി കൊഴുപ്പായി സംഭരിക്കുന്നു, ഇത് ശരീരഭാരം വർധിപ്പിക്കുന്നതിനും അമിതവണ്ണത്തിനും കാരണമാകുന്നു. വയറുവേദന, ദഹനക്കേട് തുടങ്ങിയ ദഹനപ്രശ്‌നങ്ങൾക്കും ഇത് കാരണമാകും.
ശാരീരിക പ്രശ്‌നങ്ങൾക്ക് പുറമേ, അമിതമായി ഭക്ഷണം കഴിക്കുന്നത് വിഷാദം, ഉത്കണ്ഠ തുടങ്ങിയ മാനസിക പ്രശ്‌നങ്ങൾക്കും കാരണമാകും. അമിതമായി ഭക്ഷണം കഴിക്കുന്നത് ഒഴിവാക്കാൻ ശ്രദ്ധിക്കേണ്ട കാര്യങ്ങള്‍ എന്തൊക്കെയാണെന്ന് നോക്കാം...
1. ശ്രദ്ധയോടെ ഭക്ഷണം കഴിക്കാൻ ശീലിക്കുക...
ഭക്ഷണം കഴിക്കുമ്പോള്‍ ശ്രദ്ധ ഭക്ഷണത്തില്‍ തന്നെയാകണം. ചിലര്‍ ടിവി കണ്ടും ഫോണ്‍ ഉപയോഗിച്ചും ഭക്ഷണം കഴിക്കാറുണ്ട്. ഇത് അമിതമായി ഭക്ഷണം കഴിക്കുന്നതില്‍ എത്തിക്കും.
2. ഭക്ഷണം ഒഴിവാക്കുന്നത് അവസാനപ്പിക്കുക...
ചിലര്‍ വണ്ണം കുറയ്ക്കാനുള്ള ശ്രമത്തിന്‍റെ ഭാഗമായി, ഒരു നേരത്തെ ഭക്ഷണം ഒഴിവാക്കാറുണ്ട്. ഇത് വിശപ്പ് കൂട്ടാനും അതുവഴി ഭക്ഷണം അമിതമായി കഴിക്കാനുള്ള ആസക്തിയിലേയ്ക്കും എത്തിക്കും.
3. ഭക്ഷണം പതിയെ കഴിക്കുക...
വളരെ വേഗത്തിൽ ഭക്ഷണം കഴിക്കുന്നത് അമിതമായി ഭക്ഷണം കഴിക്കുന്നതിലേക്ക് നയിക്കുന്നു. കാരണം വയറ് നിറഞ്ഞിരിക്കുന്നുവെന്ന് തലച്ചോറിനെ അറിയിക്കാൻ സമയമെടുക്കും. സാവധാനം ഭക്ഷണം കഴിക്കുന്നത് ഒരാൾക്ക് ഭക്ഷണം നന്നായി ചവയ്ക്കാനും രുചികൾ ആസ്വദിക്കാനും ഭക്ഷണം നിർത്താൻ സമയമാകുമ്പോൾ തലച്ചോറുമായി ആശയവിനിമയം നടത്താനും സഹായിക്കും. അതിനാല്‍ ഭക്ഷണം വളരെ പതിയെ കഴിക്കുക.
4. ചെറിയ പ്ലേറ്റുകളും പാത്രങ്ങളും ഉപയോഗിക്കുക...
ഭക്ഷണം കഴിക്കുന്നതിനായി ചെറിയ പ്ലേറ്റുകളും ബൗളുകളും ഉപയോഗിക്കുന്നത് കുറച്ച് ഭക്ഷണം കഴിക്കാൻ സഹായിക്കുമെന്നാണ് പഠനങ്ങൾ സൂചിപ്പിക്കുന്നത്.
5. ആരോഗ്യകരമായ ലഘുഭക്ഷണങ്ങൾ കൈയ്യിൽ സൂക്ഷിക്കുക...
നട്സ്, പഴങ്ങൾ, പച്ചക്കറികൾ എന്നിവ പോലുള്ള ആരോഗ്യകരമായ ലഘുഭക്ഷണങ്ങൾ കയ്യില്‍ സൂക്ഷിക്കുന്നത് അനാരോഗ്യകരമായ ഭക്ഷണങ്ങള്‍ കഴിക്കുന്നത് ഒഴിവാക്കാൻ സഹായിക്കും. കൂടാതെ വിശപ്പ് തോന്നുമ്പോൾ അമിതമായി ഭക്ഷണം കഴിക്കുന്നത് തടയാനും ഇത് സഹായിക്കും.
6. വെള്ളം ധാരാളം കുടിക്കുക...
ആവശ്യത്തിന് വെള്ളം കുടിക്കുന്നത് നിങ്ങളുടെ വിശപ്പ് നിയന്ത്രിക്കാൻ സഹായിക്കും. ദിവസം മുഴുവൻ ജലാംശം നിലനിർത്തുന്നത് നിങ്ങളുടെ ശരീരത്തിന്‍റെ ആരോഗ്യത്തിനും നല്ലതാണ്.
Also Read: വയറിലെ കൊഴുപ്പിനെ പുറംതള്ളാന്‍ സഹായിക്കും ഈ അഞ്ച് ആരോഗ്യകരമായ എണ്ണകള്‍...