തൈര് സാദം പോലെ ഓട്സ് സാദം തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം ഡയറ്റ് റെസിപ്പികള്‍. ഇന്ന് വിനോദ് രാമകൃഷ്ണൻ തയ്യാറാക്കിയ പാചകക്കുറിപ്പ്.

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

ഓട്സ് കൊണ്ട് ഒരു ഹെല്‍ത്തി വിഭവം തയ്യാറാക്കിയാലോ? തൈര് സാദം പോലെ ഓട്സ് സാദം തയ്യാറാക്കാം.  

വേണ്ട ചേരുവകൾ

ഓട്സ് -2 കപ്പ് 
മോര് -1 ഗ്ലാസ്‌ 
തൈര് -2 കപ്പ് 
ഉപ്പ് -1 സ്പൂൺ 
പച്ചമുളക് - 2 എണ്ണം 
മാതളം- 1 കപ്പ് 
ഇഞ്ചി -1/2 സ്പൂൺ 
കടുക് -1/2 സ്പൂൺ 
ചുവന്ന മുളക് -2 എണ്ണം 
കറിവേപ്പില -2 തണ്ട് 

തയ്യാറാക്കുന്ന വിധം 

ഒരു കപ്പ് മോരിലേയ്ക്ക് ഓട്സ് ഇട്ടു വെച്ചതിനുശേഷം ഒരു മണിക്കൂർ നന്നായിട്ട് ഒന്ന് കുതിർത്തെടുക്കുക. ഇതൊന്നു കുതിർന്നതിനുശേഷം ഇതിലേയ്ക്ക് നല്ല കട്ട തൈര് ഒഴിച്ചു കൊടുക്കുക. ഓട്സ് നന്നായി കുതിർന്ന് മോര് മുഴുവനായിട്ടും വറ്റിയതിനുശേഷം ആണ് കട്ട തൈര് ചേർത്തു കൊടുക്കേണ്ടത്.  അതിനുശേഷം ആവശ്യത്തിന് ഉപ്പ് ചേർത്ത് വീണ്ടും ഇളക്കി യോജിപ്പിക്കുക. അടുത്തതായി ഒരു പാൻ വച്ച് ചൂടാകുമ്പോൾ കുറച്ച് നെയ്യൊഴിച്ച് കടുക്, ചുവന്ന മുളക്, കറിവേപ്പില, പച്ചമുളക് എന്നിവ ചേർത്ത് നന്നായിട്ട് ഒന്ന് വഴറ്റി എടുക്കുക.  ശേഷം ഒരു കഷ്ണം ഇഞ്ചി ചതച്ചത് കൂടി ചേർത്ത് ഇളക്കി ഇതൊന്ന് മൂപ്പിച്ചതിനു ശേഷം ഇതിനെ നമുക്ക് ഓട്സിലേയ്ക്ക് ചേർത്ത് കൊടുക്കാവുന്നതാണ്. ശേഷം ഇതിലേയ്ക്ക് നല്ല ഫ്രഷ് ആയിട്ടുള്ള മാതളം കൂടി ചേർത്തു കൊടുത്ത് ഇളക്കി യോജിപ്പിച്ച് എടുക്കാവുന്നതാണ്. ചോറിനു പകരം കഴിക്കാവുന്ന ഒന്നാണ് ഈ ഹെല്‍ത്തി ഓട്സ് സാദം.