കോപ്പ അമേരിക്ക: ജയം മെസിക്കൊപ്പം, സമനിലക്കുരുക്കഴിച്ച് അര്ജന്റീന
Synopsis
സുവാരസും കവാനിയും അണിനിരന്ന ഉറുഗ്വേക്കെതിരെ തുടക്കത്തിലെ മേധാവിത്വം പുലര്ത്താന് മെസിക്കും സംഘത്തിനുമായി.
ബ്രസീലിയ: കോപ്പ അമേരിക്കയില് മെസി-സുവാരസ് പോരില് ജയം അര്ജന്റീനന് സൂപ്പര് താരത്തിനൊപ്പം. നിര്ണായക മത്സരത്തില് ഉറുഗ്വേക്കെതിരെ എതിരില്ലാത്ത ഒരു ഗോളിന്റെ ജയം അര്ജന്റീന സ്വന്തമാക്കി. മെസിയുടെ മാജിക്കല് അസിസ്റ്റില് റോഡ്രിഗസാണ് വിജയഗോള് നേടിയത്.
കാണാം ഗോള്
സുവാരസും കവാനിയും അണിനിരന്ന ഉറുഗ്വേക്കെതിരെ തുടക്കത്തിലെ മേധാവിത്വം പുലര്ത്താന് മെസിക്കും സംഘത്തിനുമായി. 13-ാം മിനുറ്റില് ഷോര്ട് കോര്ണറില് നിന്ന് മെസിയൊരുക്കിയ അളന്നുമുറിച്ച ക്രോസില് റോഡ്രിഗസ് അര്ജന്റീനയെ മുന്നിലെത്തിച്ചു. റോഡ്രിഗസിന്റെ ആദ്യ രാജ്യാന്തര ഗോള് കൂടിയായി ഇത്.
അതേസമയം ആക്രമണത്തില് വീണ്ടും അവസരം ലഭിച്ച ലൗറ്ററോ മാര്ട്ടിനസിനും നിക്കോളാസ് ഗോണ്സാലസിനും കാര്യമായി ഒന്നും ചെയ്യാനായില്ല. മറുവശത്ത് സുവരാസ്-കവാനി സഖ്യത്തിന്റെ ആക്രമണങ്ങളും ഗോള്ബാറിനെ ഭേദിക്കാന് മടിച്ചുനിന്നു. എങ്കിലും ആദ്യ മത്സരത്തില് ചിലെയോട് വഴങ്ങിയ സമനിലക്കുരുക്കഴിക്കാന് മെസിപ്പടയ്ക്കായി.
കൂടുതല് ഫുട്ബോള് വാര്ത്തകള്
ഇംഗ്ലണ്ടിനെ വിറപ്പിച്ചു; സ്കോട്ലന്ഡിന് വിജയതുല്യമായ സമനില
ചെക്ക് റിപ്പബ്ലിക്കിനെതിരെ സമനില; യൂറോയില് മോഡ്രിച്ചും സംഘവും പരുങ്ങലില്
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!