പാട്രിക്ക് ഷിക്കിന്റെ ലോം​ഗ് റേഞ്ചർ, യൂറോയിലെ ഏറ്റവും മികച്ച ​ഗോൾ

45.45 മീറ്റർ അകലെ നിന്നായിരുന്നു ഷിക്കിന്റെ ലോം​ഗ് റേഞ്ച് മിസൈൽ ലക്ഷ്യത്തിലെത്തിയത്. യൂറോ കപ്പിൽ ദൂരത്തിന്റെ കാര്യത്തിലും ഈ ​ഗോൾ റെക്കോർഡിട്ടിരുന്നു.

ലണ്ടൻ: സ്കോട്ലൻഡിനെതിരെ ചെക്ക് താരം പാട്രിക്ക് ഷിക്ക് നേടിയ ലോം​ഗ് റേഞ്ചർ ​ഗോൾ യൂറോ കപ്പിലെ ഏറ്റവും മികച്ച ​ഗോളായി വോട്ടെടുപ്പിലൂടെ തെരഞ്ഞെടുത്തു. ​ഗോൾ പോസ്റ്റിന് മുന്നിൽ അൽപം മുന്നോട്ടി കയറി സ്ഥാനം തെറ്റി നിൽക്കുകയായിരുന്ന സ്കോട്ലൻഡ് ​ഗോൾ കീപ്പർ ഡേവിഡ് മാർഷലിനെ കണ്ട ഷിക്ക് മൈതാനമധ്യത്തിൽ നിന്ന് പോസ്റ്റിലേക്ക് ഉയർത്തി അടിച്ച പന്ത് മാർഷലിന്റെ തലക്ക് മുകളിലൂടെ വലയിലായി.

45.45 മീറ്റർ അകലെ നിന്നായിരുന്നു ഷിക്കിന്റെ ലോം​ഗ് റേഞ്ച് മിസൈൽ ലക്ഷ്യത്തിലെത്തിയത്. യൂറോ കപ്പിൽ ദൂരത്തിന്റെ കാര്യത്തിലും ഈ ​ഗോൾ റെക്കോർഡിട്ടിരുന്നു. വോട്ടെടുപ്പിൽ ഷിക്കിന്റെ ​ഗോളിന് എട്ടു ലക്ഷത്തോളം വോട്ടുകൾ ലഭിച്ചുവെന്ന് യുവേഫ അറിയിച്ചു.

സ്വിറ്റ്സർലൻഡിനെതിരായ മത്സരത്തിൽ ഫ്രാൻസിന്റെ പോൾ പോ​ഗ്ബ പെനൽറ്റി ബോക്സിന് പുറത്തുനിന്ന് നേടിയ ​ഗോളാണ് വോട്ടെടുപ്പിൽ രണ്ടാമതെത്തിയത്. സ്കോട്ലൻഡിനെതിരെ ക്രൊയേഷ്യയുടെ ലൂക്ക മോഡ്രിച്ച് നേടിയ ​ഗോളാണ് ഏറ്റവും മികച്ച മൂന്നാമത്തെ ​ഗോൾ.

ചെക്ക് റിപ്പബ്ലിക്ക് ക്വാർട്ടറിൽ പുറത്തായെങ്കിലും അഞ്ച് ​ഗോളുകൾ നേടിയ ഷിക്ക്, ക്രിസ്റ്റ്യാനോ റൊണാൾഡോക്ക് ഒപ്പം  ടൂർണമെന്റിലെ ടോപ് സ്കോററായിരുന്നു.

നിങ്ങളറിഞ്ഞോ! ഒളിമ്പിക്‌സിനിടെ സ്വന്തമാക്കാം ഉഗ്രന്‍ സമ്മാനം...കൂടുതലറിയാന്‍ ക്ലിക്ക് ചെയ്യുക

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona .