EPL 2021-22 : ചെല്സിയും വീണു, ആധികാരികം മാഞ്ചസ്റ്റര് സിറ്റി! പ്രീമിയര് ലീഗില് കുതിപ്പ് തുടരുന്നു
Synopsis
കെവിന് ഡി ബ്രൂയ്നാണ് സിറ്റിയുടെ ഗോള് നേടിയത്. ക്രിസ്റ്റല് പാലസ്- ബ്രൈറ്റണ് മത്സരം സമനിലയില് പിരിഞ്ഞു. ഇരുവരും ഓരോ ഗോള് വീതം നേടി.
മാഞ്ചസ്റ്റര്: ഇംഗ്ലീഷ് പ്രീമിയര് ലീഗില് (EPL 2021-22) വമ്പന്മാരുടെ പോരില് മാഞ്ചസ്റ്റര് സിറ്റിക്ക് (Manchester City) ജയം. ചെല്സിയെ (Chelsea) എതിരില്ലാത്ത ഒരു ഗോളിനാണ് സിറ്റി തോല്പ്പിച്ചത്. കെവിന് ഡി ബ്രൂയ്നാണ് സിറ്റിയുടെ ഗോള് നേടിയത്. ക്രിസ്റ്റല് പാലസ്- ബ്രൈറ്റണ് മത്സരം സമനിലയില് പിരിഞ്ഞു. ഇരുവരും ഓരോ ഗോള് വീതം നേടി.
മത്സരത്തിലുടനീളം സിറ്റിയുടെ ആധിപത്യമായിരുന്നു. പന്തടക്കത്തിലും ഷോട്ടുകളുതിര്ക്കുന്നതിലും സിറ്റി തന്നെയയിരുന്നു മുന്നില്. എന്നാല് വിജയഗോള് പിറക്കാന് ആദ്യപകുതി അവസാനിക്കേണ്ടി വന്നു. 70-ാ മിനുറ്റിലാണ് സിറ്റി ലീഡെടുത്തത്. ഒരു ലോംഗ് റേഞ്ചറിലൂടെയായിരുന്നു ഡി ബ്രുയിന്റെ ഗോള്.
മാഞ്ചസ്റ്റര് സിറ്റിയുടെ ലീഗിലെ തുടര്ച്ചയായ 12ആം വിജയം ആണിത്. ഈ വിജയത്തോടെ സിറ്റിക്ക് 22 മത്സരങ്ങളില് 56 പോയിന്റ് ആയി. രണ്ടാമതുള്ള ചെല്സിക്ക് ഇത്രയും മത്സരങ്ങളില് നിന്ന് ആകെ 43 പോയിന്റ് മാത്രമെ ഉള്ളൂ. രണ്ടാം സ്ഥാനക്കാരും തമ്മില് 13 പോയിന്റ് വ്യത്യാസമുണ്ട്.
ക്രിസ്റ്റല് പാലസ്- ബ്രൈറ്റണ് മത്സരത്തില് ആദ്യപാതിയില് ഗോളൊന്നും പിറന്നില്ല. 69-ാം മിനിറ്റില് കൊണോല് ഗല്ലാഗേറിലൂടെ പാലസ് മുന്നിലെത്തി. എന്നാല് മത്സരം തീരാന് മൂന്ന് മിനിറ്റ് മാത്രമുള്ളപ്പോള് ജോക്വിം ആന്ഡേഴ്സണിന്റെ സെല്ഫ് ഗോള് ബ്രൈറ്റണ് സമനിലയൊരുക്കി.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!