രാത്രി 8.30ന് ലിവര്‍പൂള്‍, വൂള്‍വ്സിനെയും സതാംപ്ടൺ, ബ്രൈറ്റണെയും ന്യൂകാസില്‍, ബേൺലിയെയും നേരിടും
ലണ്ടന്‍: ഇംഗ്ലീഷ് പ്രീമിയര്‍ ലീഗ് ഫുട്ബോളില്‍ (English Premier League) ഒന്നാം സ്ഥാനം നിലനിര്‍ത്താന്‍ ചെൽസി (Chelsea Fc) ഇന്നിറങ്ങും. ഇന്ത്യന്‍സമയം വൈകീട്ട് 6ന് തുടങ്ങുന്ന എവേ മത്സരത്തിൽ വെസ്റ്റ് ഹാം (West Ham) ആണ് എതിരാളികള്‍. 14 കളിയിൽ 33 പോയിന്‍റുള്ള ചെൽസി ഒന്നാമതും 24 പോയിന്‍റുള്ള വെസ്റ്റ് ഹാം നാലാം സ്ഥാനത്തുമാണ്. ലാലിഗയില്‍ (LaLiga) വമ്പന്‍മാരായ റയല്‍ മാഡ്രിഡും (Real Madrid) ബാഴ്‌സലോണയും (Barcelona Fc) ഇന്ന് മൈതാനത്തിറങ്ങും.
രാത്രി 8.30ന് ലിവര്‍പൂള്‍, വൂള്‍വ്സിനെയും സതാംപ്ടൺ, ബ്രൈറ്റണെയും ന്യൂകാസില്‍, ബേൺലിയെയും നേരിടും. നിലവിലെ ജേതാക്കളായ മാഞ്ചസ്റ്റര്‍ സിറ്റി രാത്രി 11ന് വാറ്റ്ഫോര്‍ഡിനെ നേരിടും. 14 കളിയിൽ 32 പോയിന്‍റുമായി സിറ്റി രണ്ടാമതും 31 പോയിന്‍റുള്ള ലിവര്‍പൂൾ മൂന്നും സ്ഥാനങ്ങളിലാണ്.
സ്‌പാനിഷ് ലീഗിലും വമ്പന്മാര് ഇന്ന് കളത്തിലെത്തും. ഇന്ത്യന്‍സമയം രാത്രി 8.45ന് ബാഴ്‌സലോണ റയൽ ബെറ്റിസിനെ നേരിടും. 14 കളിയിൽ 23 പോയിന്‍റുമായി ഏഴാം സ്ഥാനത്താണ് ബാഴ്‌സ. രാത്രി 11ന് പോയിന്‍റ് പട്ടികയിൽ രണ്ടാമതുള്ള അത്‌ലറ്റിക്കോ മാഡ്രിഡ് 14-ാം സ്ഥാനക്കാരായ മയ്യോര്‍ക്കയെ നേരിടും. റയൽ സോസിഡാഡും റയൽ മാഡ്രിഡും പുലര്‍ച്ചെ 1.30ന് ഏറ്റുമുട്ടും.
15 കളിയിൽ 36 പോയിന്‍റുമായി ഒന്നാം സ്ഥാനത്താണ് റയൽ മാഡ്രിഡ്. 29 പോയിന്‍റുള്ള സോസിഡാഡ് ആണ് മൂന്നാമത്. നിലവില്‍ നാലാം സ്ഥാനത്തുള്ള സെവ്വിയ്യ വൈകീട്ട് 6.30ന് വിയ്യാറയലിനെ നേരിടും.
BCCI AGM Festival Match : വീണ്ടും ഓഫ്‌സൈഡിലെ ദൈവമായി അവതരിച്ച് ദാദ; പക്ഷേ വീഴ്‌ത്തി ജെയ് ഷായുടെ ടീം!