ജിംഗാന് പിന്ഗാമിയായി സഹല്; ഭാവി താരത്തിനുള്ള പുരസ്കാരം
Synopsis
ഈ സീസണില് 17 മത്സരങ്ങള് കളിച്ച മധ്യനിര താരം ഒരു ഗോള് നേടിയിരുന്നു.
മുംബൈ: ഐഎസ്എല് അഞ്ചാം സീസണില് എമേര്ജിംഗ് താരത്തിനുള്ള പുരസ്കാരം കേരള ബ്ലാസ്റ്റേഴ്സിന്റെ മലയാളി താരം സഹല് അബ്ദുല് സമദിന്. ഈ സീസണില് 17 മത്സരങ്ങള് കളിച്ച 21കാരന് ഒരു ഗോള് നേടിയിരുന്നു. ഐഎസ്എല് ചരിത്രത്തില് ആദ്യമായി ഈ പുരസ്കാരം നേടിയത് കേരള ബ്ലാസ്റ്റേഴ്സിന്റെ തന്നെ സന്ദേശ് ജിംഗാനായിരുന്നു.
വീറും വാശിയും എക്സ്ട്രാ ടൈമിലേക്ക് നീണ്ട കലാശപ്പോരില് എഫ്സി ഗോവയെ 1-0ന് വീഴ്ത്തി ബെംഗളൂരു എഫ്സി കിരീടമുയര്ത്തി. ഐഎസ്എല് ചരിത്രത്തില് ബെംഗളൂരു എഫ്സിയുടെ ആദ്യ കിരീടമാണിത്. 117-ാം മിനുറ്റില് കോര്ണറില് നിന്ന് രാഹുല് ഭേക്കേ നേടിയ ബുള്ളറ്റ് ഹെഡറിലാണ് ബെംഗളൂരുവിന്റെ ജയം.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!