അരങ്ങേറ്റ ഗോളുമായി സില്വ; ഗോവയ്ക്കെതിരെ ബെംഗളൂരു മുന്നില്
Synopsis
27-ാം മിനുറ്റില് ബ്രസീലിയന് താരം ക്ലെയ്റ്റൻ സില്വ ഹെഡറിലൂടെ ബെംഗളൂരുവിനെ മുന്നിലെത്തിച്ചു. ലീഗിലെ ആദ്യ മത്സരത്തിലാണ് സില്വ വല ചലിപ്പിച്ചത്.
ഫത്തോഡ: ഐഎസ്എല്ലിൽ ഗോള്മഴയ്ക്ക് പേരുകേട്ട എഫ്സി ഗോവയ്ക്ക് ആദ്യ പ്രഹരം നല്കി ബെംഗളൂരു എഫ്സി. ഫത്തോഡ സ്റ്റേഡിയത്തില് ആദ്യ പകുതിക്ക് പിരിഞ്ഞപ്പോള് ബെംഗളൂരു 1-0ന് മുന്നിലാണ്. അരങ്ങേറ്റ മത്സരത്തില് ബ്രസീലിയന് താരം ക്ലെയ്റ്റൻ സില്വയാണ് ബെംഗളൂരുവിന് നിര്ണായക ലീഡ് സമ്മാനിച്ചത്.
വമ്പന് പോരാട്ടത്തില് യുവാൻ ഫെറാൻഡോ പരിശീലിപ്പിക്കുന്ന ഗോവ 4-2-3-1 ശൈലിയിലും കാർലെസ് കോഡ്രാറ്റിന്റെ ബെംഗളൂരു 3-4-3 ഫോര്മേഷനിലുമാണ് ടീമിനെ ഇറക്കിയത്. ബെംഗളൂരു മലയാളി താരം ആഷിഖ് കുരുണിയന് ആദ്യ ഇലവനില് അവസരം നല്കിയെന്നതും ശ്രദ്ധേയം.
ഗോവയില് സാംബ താളം
ഗോള്മഴക്ക് പേരുകേട്ട ഫത്തോഡ ജവഹര്ലാല് നെഹ്റു സ്റ്റേഡിയത്തില് രണ്ടാം മിനുറ്റില് ബെംഗളൂരു നായകന് സുനില് ഛേത്രി ബോക്സിന് പുറത്തുനിന്ന് ആദ്യ ഷോട്ടിന് ശ്രമിച്ചു. പിന്നീട് കൂടുതല് സമയം പന്ത് കാല്ക്കല് വച്ചത് ഗോവയാണെങ്കിലും കിട്ടിയ സുവര്ണാവസരം മുതലാക്കി ബെംഗളൂരു മുന്നിലെത്തുകയായിരുന്നു. 27-ാംമിനുറ്റില് ലോംഗ് ത്രോയില് നിന്ന് ലഭിച്ച പന്ത് ബ്രസീലിയന് താരം ക്ലെയ്റ്റൻ സില്വ ഹെഡറിലൂടെ വലയിലെത്തിച്ചു
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!