ISL: അവസരങ്ങള് നഷ്ടമാക്കി ബ്ലാസ്റ്റേഴ്സ്, നോര്ത്ത് ഈസ്റ്റിനെതിരെ ആദ്യ പകുതി ഗോള്രഹിതം
Synopsis
ആദ്യ പകുതിതിയില് തുടക്കം മുതല് ബ്ലാസ്റ്റേഴ്സിന്റെ മുന്നേറ്റമായിരുന്നു കണ്ടത്. അഡ്രിയാന് ലൂണയിലൂടെ ബ്ലാസ്റ്റേഴ്സ് നടത്തിയ മുന്നേറ്റങ്ങള് തടഞ്ഞിടാന് നോര്ത്ത് ഈസ്റ്റ് പ്രതിരോധം നന്നേ പാടുപെട്ടു. മറുവശത്ത് ഇടതു വിംഗില് വി പി സുഹൈറായിരുന്നു നോര്ത്ത് ഈസ്റ്റിന്റെ ചാലകശക്തി.
മഡ്ഗാവ്: ഐഎസ്എല്ലില്(ISL) കേരളാ ബ്ലാസ്റ്റേഴ്സ്-നോര്ത്ത് ഈസ്റ്റ് യുണൈറ്റഡ് (NorthEast United vs Kerala Blasters)മത്സരത്തിന്റെ ആദ്യ പകുതി ഗോള്രഹിതം. ആക്രമണത്തിലും മുന്നേറ്റത്തിലും മികച്ച പ്രകടനം പുറത്തെടുത്തിട്ടുംഫിനിഷിംഗിലെ പോരായ്മമൂലം ലീഡ് നേടാനുള്ള അവസരം ബ്ലാസ്റ്റേഴ്സ് കളഞ്ഞുകുളിച്ചു.
ആദ്യ പകുതിതിയില് തുടക്കം മുതല് ബ്ലാസ്റ്റേഴ്സിന്റെ മുന്നേറ്റമായിരുന്നു കണ്ടത്. അഡ്രിയാന് ലൂണയിലൂടെ ബ്ലാസ്റ്റേഴ്സ് നടത്തിയ മുന്നേറ്റങ്ങള് തടഞ്ഞിടാന് നോര്ത്ത് ഈസ്റ്റ് പ്രതിരോധം നന്നേ പാടുപെട്ടു. മറുവശത്ത് ഇടതു വിംഗില് വി പി സുഹൈറായിരുന്നു നോര്ത്ത് ഈസ്റ്റിന്റെ ചാലകശക്തി. സുഹൈറിലൂടെ നോര്ത്ത് ഈസ്റ്റ് പലതവണ ബ്ലാസ്റ്റേഴ്സ് ബോക്സില് പന്തെത്തിച്ചെങ്കിലും വലിയ അപകടം സൃഷ്ടിക്കാന് അതിനായില്ല.
30-ാം മിനിറ്റില് ലൂണയുടെ മനോഹരമായൊരു ക്രോസ് ബോക്സിനകത്തേക്ക് താണിറങ്ങിയെങ്കിലും തലവെച്ച ജോര്ജെ ഡയസിന് ലക്ഷ്യം കാണാനായില്ല.
ആറ് മിനിറ്റിനകം ജോര്ജെ ഡയസിന് മത്സരത്തിലെ ഏറ്റവും അനയാസ അവസരം ലഭിച്ചു. ഇത്തവണയും ലൂണയുടെ തന്ത്രപരമായ നീക്കത്തില് പന്ത് കാലിലെത്തിയ ഡയസ് ഗോള് കീപ്പര് സുഭാശിഷ് റോയ് മാത്രം മുന്നില് നില്ക്കെ പന്ത് പുറത്തേക്കടിക്കുന്നത് അമ്പരപ്പോടെയാണ് ആരാധകര് കണ്ടത്. പിന്നീട് ലൂണ പലതവണ നോര്ത്ത് ഈസ്റ്റ് പ്രതിരോധം പിളര്ന്ന് പാസുകള് നല്കിയെങ്കിലും അതൊന്നും ഗോളാക്കി മാറ്റാന് ബ്ലാസ്റ്റേഴ്സ് മുന്നേറ്റ നിരക്കായില്ല.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!