വാള്‍ട്ടര്‍ സാമുവല്‍ അര്‍ജന്റീന ടീം വിടുന്നു, 2030 ലോകകപ്പില്‍ മെസി അര്‍ജന്റീനയുടെ കോച്ചിംഗ്‌ സ്‌റ്റാഫ്‌? മറുപടി നല്‍കി ലയണല്‍ സ്‌കലോണി

Published : Nov 17, 2026, 03:52 PM IST
LIONEL MESSI

Synopsis

അന്താരാഷ്ട്ര ഫുട്‌ബോളില്‍ നിന്ന്‌ വിരമിച്ച ലയണല്‍ മെസി 2030 ലോകകപ്പില്‍ കോച്ചിംഗ്‌ സ്‌റ്റാഫായി അര്‍ജന്റീന സ്‌ക്വാഡിനൊപ്പമുണ്ടാകുമോ? കോസ്‌റ്ററിക്കക്കെതിരായ സൗഹൃദ മത്സരത്തിന്‌ മുന്നോടിയായി കോച്ച്‌ ലയണല്‍ സ്‌കലോണിയോട്‌ മാധ്യമപ്രവര്‍ത്തകര്‍ ചോദിച്ചു.

അന്താരാഷ്ട്ര ഫുട്‌ബോളില്‍ നിന്ന്‌ വിരമിച്ച ലയണല്‍ മെസി 2030 ലോകകപ്പില്‍ കോച്ചിംഗ്‌ സ്‌റ്റാഫായി അര്‍ജന്റീന സ്‌ക്വാഡിനൊപ്പമുണ്ടാകുമോ? കോസ്‌റ്ററിക്കക്കെതിരായ സൗഹൃദ മത്സരത്തിന്‌ മുന്നോടിയായി കോച്ച്‌ ലയണല്‍ സ്‌കലോണിയോട്‌ മാധ്യമപ്രവര്‍ത്തകര്‍ ചോദിച്ചു.

ഒരു ചെറു പുഞ്ചിരിയോടെയാണ്‌ സ്‌കലോണി ആ ചോദ്യത്തെ സ്വീകരിച്ചത്‌. അസിസ്‌റ്റന്റ്‌ കോച്ച്‌ വാള്‍ട്ടര്‍ സാമുവല്‍ ടീം വിടുന്ന സാഹചര്യത്തില്‍ മെസിക്ക്‌ എപ്പോള്‍ വേണമെങ്കിലും കോച്ചിംഗ്‌ സ്‌റ്റാഫിലേക്ക്‌ വരാമെന്ന്‌ സ്‌കലോണി പറഞ്ഞു. എന്നാല്‍, മെസിയുടെ പ്ലെയിംഗ്‌ കരിയര്‍ അവസാനിച്ചിട്ടില്ല. അദ്ദേഹം 2030ന്‌ ശേഷവും കളി തുടരുമെന്നാണ്‌ താന്‍പ്രതീക്ഷിക്കുന്നതെന്ന്‌ സ്‌കലോണി പറഞ്ഞു.

2030 ലോകകപ്പ്‌ വരെ അര്‍ജന്റീനയുടെ മുഖ്യ പരിശീലകനായി തുടരാന്‍ സ്‌കലോണി അടുത്തിടെ പുതിയ കരാറില്‍ ഒപ്പുവെച്ചിരുന്നു. 2018 മുതല്‍ സ്‌കലോണിയുടെ അസിസ്‌റ്റന്റ്‌ കോച്ചായിരുന്ന വാള്‍ട്ടര്‍ സാമുവല്‍ കരിയറിലെ പുതിയൊരു റോള്‍ ഏറ്റെടുത്ത്‌ ഡിസംബര്‍ അവസാനത്തോടെ അര്‍ജന്റീന ടീം വിടുകയാണ്‌. സാമുവലിന്‌ പകരക്കാരനെ ഉടനെ കണ്ടെത്തേണ്ടതില്ലെന്നാണ്‌ സ്‌കലോണിയുടെ തീരുമാനം. പാബ്ലോ എയ്‌മറും റോബര്‍ട്ടോ അയാളയും അസിസ്‌റ്റന്റ്‌ കോച്ചുമാരായി തുടരും.

2022 ഖത്തര്‍ ലോകകപ്പ്‌ അര്‍ജന്റീന ഉയര്‍ത്തിയത്‌ ലയണല്‍ സ്‌കലോണി- ലയണല്‍ മെസി സഖ്യത്തിന്റെ മികവിലായിരുന്നു. 2026 ലോകകപ്പിലും ആ സഖ്യം ഫൈനല്‍ വരെ കുതിച്ചു. എട്ട്‌ ഗോളുകളും നാല്‌ അസിസ്‌റ്റുകളുമായി കളം നിറഞ്ഞ ലയണല്‍ മെസി ഗോള്‍ഡന്‍ ബൂട്ടിനായുള്ള മത്സരത്തില്‍ കിലിയന്‍ എംബാപെക്ക്‌ വെല്ലുവിളി ഉയര്‍ത്തി രണ്ടാം സ്ഥാനം കരസ്ഥമാക്കിയിരുന്നു. ഫൈനലിലെ തോല്‍വിക്ക്‌ പിന്നാലെ, മെസിക്ക്‌ തന്റെ പിതാവിനെയും നഷ്ടമായി. ആ വിയോഗം മെസിയെ മാനസികമായി തളര്‍ത്തി.

ഒക്ടോബറില്‍ ബെനിനെതിരായ മത്സരത്തോടെ മെസി അന്താരാഷ്ട്ര കരിയര്‍ അവസാനിപ്പിച്ചു. 208 മത്സരങ്ങളില്‍ നിന്ന്‌ 126 ഗോളുകളാണ്‌ മെസി അര്‍ജന്റീനക്കായി നേടിയത്‌. മെസിയില്ലാതെ ആദ്യ മത്സരത്തിനിറങ്ങിയ അര്‍ജന്റീന 1-2ന്‌ ഉറുഗ്വെയോട്‌ പരാജയപ്പെട്ടിരുന്നു. മെസിയുടെ അഭാവം നികത്താന്‍ സ്‌കലോണിക്ക്‌ അത്ര പെട്ടെന്ന്‌ സാധിച്ചെന്ന്‌ വരില്ല. ക്ലബ്ബ്‌ കരിയര്‍ തുടരുന്ന മെസി ഇന്റര്‍ മിയാമിക്കൊപ്പം മികച്ച ഫോം തുടരുന്നു.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

PREV

ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ.  Football News തുടങ്ങി എല്ലാ കായിക ഇനങ്ങളുടെയും അപ്‌ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!

Read more Articles on
click me!

Recommended Stories

മാഞ്ചസ്റ്റര്‍ യുനൈറ്റഡിനെ പ്രതിസന്ധിയിലാക്കി ബ്രൂണോ ഫെര്‍നാണ്ടസ്‌ വിലപേശുന്നു, ഇറ്റാലിയന്‍ ക്ലബ്ബുമായി ചര്‍ച്ച നടക്കുന്നു, വിമര്‍ശിച്ച്‌ മാഞ്ചസ്റ്റര്‍ ആരാധകര്‍
ക്രിക്കറ്റിന്‌ പിന്നാലെ ഫുട്‌ബോളിലും ഇന്ത്യ-പാക്‌ ഫൈനല്‍ പോര്‌; പത്താം കിരീടം ലക്ഷ്യമിട്ട്‌ ഇന്ത്യ, കന്നിക്കിരീടം തേടി പാക്കിസ്ഥാന്‍