ബാലൺ ഡി ഓർ പുരസ്കാര പ്രഖ്യാപനത്തിന് മുന്നേ വിജയികളുടെ പേരുകൾ ഔദ്യോഗിക വെബ്സൈറ്റിലൂടെ ചോര്‍ന്നു
Synopsis
വിവരങ്ങൾ പുറത്തുവന്ന ഉടൻ തന്നെ വെബ്‌സൈറ്റിൽ നിന്ന് ലേഖനങ്ങൾ നീക്കം ചെയ്തെങ്കിലും, ഇതിന്‍റെ സ്ക്രീൻഷോട്ടുകൾ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു.
ലണ്ടൻ: ഫുട്ബോളിലെ ഏറ്റവും വിഖ്യാത പുരസ്കാരങ്ങളിലൊന്നായ ബാലൺ ഡി ഓർ പുരസ്കാര ചടങ്ങിന് തൊട്ടുമുമ്പ് സംഘാടകർക്ക് വൻ നാണക്കേട്. പുരസ്കാരത്തിന്‍റെ ഔദ്യോഗിക വെബ്‌സൈറ്റിൽ ഹാരി കെയ്ൻ, കിലിയൻ എംബാപ്പെ, ലമീൻ യമാൽ എന്നിവരെ വിജയികളായി പ്രഖ്യാപിച്ചുകൊണ്ടുള്ള മൂന്ന് വ്യത്യസ്ത ലേഖനങ്ങൾ അബദ്ധത്തിൽ പ്രസിദ്ധീകരിച്ചതോടെയാണ് ഇവിരലൊരാള്‍ക്കാണ് ബാലണ്‍ ഡി ഓര്‍ എന്ന് വ്യക്തമായത്. പുരസ്കാര പ്രഖ്യാപന ചടങ്ങ് തുടങ്ങുന്നതിന് രണ്ടര മണിക്കൂർ മുമ്പായിരുന്നു ബാലണ്‍ ഡി ഓര്‍ വിജയിയെ പ്രഖ്യാപിച്ചാല്‍ പ്രസിദ്ധീകരിക്കാനുള്ള കളിക്കാരെ കുറിച്ചുള്ള ലേഖനങ്ങള്‍ വെബ്സൈറ്റില്‍ പ്രത്യക്ഷപ്പെട്ടത്.
ദി ലണ്ടൻ പലാഡിയത്തിൽ പുരസ്കാര നിശ ആരംഭിക്കുന്നതിന് സംഭവിച്ച ഗുരുതര വീഴ്ച സംഘാടകർക്ക് നാണക്കേടായി. വിവരങ്ങൾ പുറത്തുവന്ന ഉടൻ തന്നെ വെബ്‌സൈറ്റിൽ നിന്ന് ലേഖനങ്ങൾ നീക്കം ചെയ്തെങ്കിലും, ഇതിന്‍റെ സ്ക്രീൻഷോട്ടുകൾ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു. മൂന്ന് ലേഖനങ്ങളിലും വ്യത്യസ്ത താരങ്ങളാണ് ബാലൺ ഡി ഓർ നേടിയതായി പറയുന്നത്. ഹാരി കെയ്ൻ നേടിയ ഗോളുകളെ അഭിനന്ദിച്ചുകൊണ്ടായിരുന്നു ഒരു ലേഖനമെങ്കിൽ, ബാഴ്‌സലോണയുടെ കൗമാര താരം ലമീൻ യമാൽ ചരിത്രത്തിലെ ഏറ്റവും പ്രായം കുറഞ്ഞ ബാലൺ ഡി ഓർ ജേതാവായി എന്നായിരുന്നു രണ്ടാമത്തെ ലേഖനം. റയൽ മാഡ്രിഡിനായി നടത്തിയ മികച്ച പ്രകടനത്തിന്‍റെ ബലത്തിൽ എംബാപ്പെ കന്നി ബാലൺ ഡി ഓർ സ്വന്തമാക്കിയെന്നാണ് മൂന്നാമത്തെ ലേഖനത്തിൽ അവകാശപ്പെട്ടിരുന്നത്.
🚨🤯 BALLON D’OR CONTROVERSY?!
The official Ballon d’Or website reportedly named HARRY KANE AS THE WINNER in an article and then DELETED IT just minutes later! 😳
But it gets even crazier… Articles featuring Lamine Yamal and Kylian Mbappé allegedly appeared afterward! https://t.co/AgHTngsHxg
— The Final Whistle (@Rufus_45) October 26, 2026
പുരസ്കാര ചടങ്ങിന് മുന്നോടിയായി മുൻകൂട്ടി തയ്യാറാക്കി വെച്ച ഡ്രാഫ്റ്റ് ലേഖനങ്ങൾ അബദ്ധത്തിൽ പബ്ലിഷ് ആയതാണോ അതോ വിജയികളെക്കുറിച്ചുള്ള വിവരങ്ങൾ ചോർന്നതാണോ എന്ന ആശയക്കുഴപ്പത്തിലാണ് ഫുട്ബോൾ ആരാധകർ. കഴിഞ്ഞ സെപ്റ്റംബർ 28-ന് തന്നെ വോട്ടിംഗ് പൂർത്തിയായതിനാൽ സംഘാടകർക്ക് തയ്യാറെടുപ്പുകൾ നടത്താൻ ധാരാളം സമയമുണ്ടായിരുന്നു. എന്നിട്ടും ഇത്തരം ഒരു ഗുരുതര വീഴ്ച സംഭവിച്ചതിൽ വ്യാപക വിമർശനമാണ് ഉയരുന്നത്.
🚨official: ballon d’or website has announced the winner of the 2026 winner
5. Lionel Messi 🇦🇷 4. Vitinha 🇵🇹 3. Kylian Mbappe 🇫🇷 2. Harry Kane … love https://t.co/cFBrjdhdtz
— ÈLLIØT (@ELLIOTTTTFC) October 26, 2026
ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക
അന്താരാഷ്ട്ര തലത്തിലുള്ള കായിക മാധ്യമപ്രവർത്തകരുടെ ജൂറിയാണ് കളിക്കാരുടെ വ്യക്തിഗത പ്രകടനം, ടീം നേട്ടങ്ങൾ എന്നിവ വിലയിരുത്തി ബാലൺ ഡി ഓർ വിജയിയെ തിരഞ്ഞെടുക്കുന്നത്. എന്നാൽ, അന്തിമ പ്രഖ്യാപനത്തിന് തൊട്ടുമുമ്പ് ഔദ്യോഗിക വെബ്‌സൈറ്റിൽ വന്ന ഈ പിഴവ് സംഘാടകർക്ക് വലിയ തിരിച്ചടിയായിരിക്കുകയാണ്.
🚨 BREAKING: There is CHAOS at the Ballon d’Or.
The official website has suddenly published 3 articles announcing 3 different winners.
Organisers are in SHOCK, and investigating what's going on. @MailSport https://t.co/NFkhRwGEjg
— Madrid Zone (@theMadridZone) October 26, 2026
🚨🚨| NEW: The official Ballon d’Or website has published an article naming Harry Kane, Lamine Yamal or Kylian Mbappé as the winner.
These are the ONLY three players with such an article. 👀 https://t.co/6yzHDX68tt
— Kalshi FC (@KalshiFC) October 26, 2026
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്‌ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!