ഇം​ഗ്ലണ്ടിനെ നാണംകെടുത്തി ആരാധകർ, റാഷ്ഫോർഡിന്റെ ചുമർചിത്രം വികൃതമാക്കി

ചുമർ ചിത്രത്തിനടുത്ത് മാലിന്യങ്ങൾ നിക്ഷേപിച്ചും ചിത്രത്തിന് മുകളിൽ എഴുതിവെച്ചുമെല്ലാം ആണ് റാഷ്ഫോർ‍ഡിന്റെ ചിത്രം വൃകൃതമാക്കിയിരിക്കുന്നത്. ഇറ്റലിക്കെതിരായ ഫൈനലിൽ പെനൽറ്റി നഷ്ടമാക്കിയ ഇം​ഗ്ലണ്ട് താരങ്ങളിലൊരാളാണ് റാഷ്ഫോർഡ്.

ലണ്ടൻ യൂറോ കപ്പ് ഫൈനലിൽ ഇറ്റലിക്കെതിരായ പെനൽറ്റി ഷൂട്ടൗട്ട് തോൽവിക്ക് പിന്നാലെ ഇം​ഗ്ലണ്ട് ടീമിന് നാണക്കേടായി ആരാധകരുടെ അതിരുവിട്ട പെരുമാറ്റം. ഇം​ഗ്ലണ്ട് ടീമിലെ കറുത്ത വർ​ഗക്കാരയ താരങ്ങൾക്കെതിരായ വംശീയ അധിക്ഷേപവും തെരുവിലെ തമ്മിലടിയും ഇറ്റലി ദേശീയ ​ഗാനം ആലപിക്കുമ്പോൾ കൂവിയതിനുമെല്ലാം പിന്നാലെ ഇം​ഗ്ലണ്ട് താരം റാഷ്ഫോർഡിന്റെ ചുമർചിത്രം നശിപ്പിച്ചാണ് ഇം​ഗ്ലണ്ടിന്റെ തെമ്മാടിക്കൂട്ടം വീണ്ടും നാണക്കേടായത്.

മാഞ്ചസ്റ്ററിലെ തെരുവിലുണ്ടായിരുന്ന റാഷ്ഫോർ‍ഡിന്റെ ചുമർചിത്രമാണ് ഇം​ഗ്ലണ്ടിന്റെ തെമ്മാടിക്കൂട്ടം വികൃതമാക്കിയയത്. ചുമർ ചിത്രത്തിനടുത്ത് മാലിന്യങ്ങൾ നിക്ഷേപിച്ചും ചിത്രത്തിന് മുകളിൽ എഴുതിവെച്ചുമെല്ലാം ആണ് റാഷ്ഫോർ‍ഡിന്റെ ചിത്രം വൃകൃതമാക്കിയിരിക്കുന്നത്. ഇറ്റലിക്കെതിരായ ഫൈനലിൽ പെനൽറ്റി നഷ്ടമാക്കിയ ഇം​ഗ്ലണ്ട് താരങ്ങളിലൊരാളാണ് റാഷ്ഫോർഡ്.

തെരുവ് ചിത്രകാരനായ അക്സെ വരച്ച റാഷ്ഫോർഡിന്റെ ചിത്രമാണ് അക്രമികൾ വികൃതമാക്കിയത്. ഫൈനലിലെ പെനൽറ്റി ഷൂട്ടൗട്ടിൽ ഇം​ഗ്ലണ്ടിനായി അവസാന മൂന്ന് കിക്കുകൾ എടുത്ത മാർക്കസ് റാഷ്ഫോർഡ്, ജേഡൻ സാഞ്ചോ, ബുക്കായോ സാക്ക എന്നിവർക്കെതിരെ ഒരു വിഭാ​ഗം ഇം​ഗ്ലീഷ് ആരാധകർ വംശീയ അധിക്ഷേപവുമായി രം​ഗത്തെത്തിയിരുന്നു.

സമൂഹമാധ്യമങ്ങളിലും ഇം​ഗ്ലീഷ് ആരാധകർ വംശീയമായ അധിക്ഷേപം തുടർന്നതോടെ ആയിരക്കണക്കിന് ട്വീറ്റുകൾ നീക്കം ചെയ്തും നിരവധി അക്കൗണ്ടുകൾ വിലക്കിയും ട്വിറ്റർ രം​ഗത്തെത്തിയിരുന്നു.

നിങ്ങളറിഞ്ഞോ! ഒളിമ്പിക്‌സിനിടെ സ്വന്തമാക്കാം ഉഗ്രന്‍ സമ്മാനം...കൂടുതലറിയാന്‍ ക്ലിക്ക് ചെയ്യുക