പ്രീമിയര് ലീഗില് മാഞ്ചസ്റ്റര് ടീമുകള്ക്ക് ജയം; യുനൈറ്റഡ് ഒന്നാമത്
Synopsis
അഞ്ചാം മിനിറ്റില് യുനൈറ്റിഡിനെ ഞെട്ടിച്ച് അഡെമോള ലുക്ക്മാനിലൂടെ ഫുള്ഹാമാണ് ആദ്യം ലീഡ് നേടിയത്. 21 ആം മിനിറ്റില് എഡിസന് കവാനിയിലൂടെ യുണൈറ്റഡ് ഗോള് മടക്കി മറുപടി നല്കി.
മാഞ്ചസ്റ്റര്: ഇംഗ്ലീഷ് പ്രീമിയര് ലീഗില് മാഞ്ചസ്റ്റര് യുണൈറ്റഡ് വീണ്ടും ഒന്നാം സ്ഥാനത്ത്. പുലര്ച്ചെ നടന്ന മത്സരത്തില് ഒന്നിനെതിരെ രണ്ട് ഗോളിന് ഫുള്ഹാമിനെ തോല്പ്പിച്ചാണ് യുണൈറ്റഡ് ഒന്നാം സ്ഥാനം തിരികെ പിടിച്ചത്. തുടക്കത്തില് ഒരു ഗോളിന് പിന്നിട്ടുനിന്ന ശേഷമാണ് യുനൈറ്റഡ് ജയം തിരിച്ചുപിടിച്ചത്.
അഞ്ചാം മിനിറ്റില് യുനൈറ്റിഡിനെ ഞെട്ടിച്ച് അഡെമോള ലുക്ക്മാനിലൂടെ ഫുള്ഹാമാണ് ആദ്യം ലീഡ് നേടിയത്. 21 ആം മിനിറ്റില് എഡിസന് കവാനിയിലൂടെ യുണൈറ്റഡ് ഗോള് മടക്കി മറുപടി നല്കി. 65 ആം മിനിറ്റില് പോള് പോഗ്ബ വിജഗോള്. ഇതോടെ തല്ക്കാലത്തേക്കെങ്കിലും ഒന്നാം സ്ഥാനത്തുണ്ടായിരുന്നു മാഞ്ചസ്റ്റര് സിറ്റി രണ്ടാമതായി.
സിറ്റി, ആസ്റ്റണ് വില്ലയെ ഏകപക്ഷീയമായ രണ്ട് ഗോളുകള് തോല്പ്പിച്ചു. സിറ്റിക്കായി ബെര്ണാഡോ സില്വ, ഗുണ്ടോഗന് എന്നിവര് ഗോള് നേടി. 79, 90 മിനിറ്റുകളിലായിരുന്നു ഗോളുകള്. നാളെ പുലര്ച്ചെ നടക്കുന്ന മത്സരത്തില് നിലവിലെ ചാംപ്യന്ന്മാരായ ലിവര്പൂള് ബേണ്ലിയെ നേരിടും.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!