ഇറ്റാലിയന് സൂപ്പര് കപ്പ് ഫുട്ബാള് മത്സരങ്ങള് ഡിസംബര് 18 മുതല് 22 വരെ റിയാദില്
Synopsis
ഡിസംബർ 18 മുതൽ 22 വരെ നടക്കുന്ന ടൂർണമെന്റിൽ നപ്പോളി, ബോലോഗ്ന, ഇന്റർ മിലാൻ, എ.സി മിലാൻ എന്നീ നാല് പ്രമുഖ ടീമുകൾ മാറ്റുരയ്ക്കും. ഇത് ആറാം തവണയാണ് സൗദി അറേബ്യ ഇറ്റാലിയൻ സൂപ്പർ കപ്പിന് ആതിഥേയത്വം വഹിക്കുന്നത്.
റിയാദ്: 2025 ലെ ഇറ്റാലിയന് സൂപ്പര് കപ്പ് ഫുട്ബാള് മത്സരങ്ങള്ക്ക് റിയാദ് വേദിയാകും. ഡിസംബര് 18 മുതല് 22 വരെയാണ് മത്സരങ്ങള് നടക്കുക. ഇത് ആറാം തവണയാണ് സൗദിയില് ഇറ്റാലിയന് സൂപ്പര് കപ്പ് ഫുട്ബാള് മത്സരം നടക്കുന്നത്. ഈ വര്ഷത്തെ സീരി എ ചാമ്പ്യന്മാരായ നപ്പോളി, കോപ്പ ഇറ്റാലിയ ജേതാക്കളായ ബോലോഗ്ന, ലീഗ് റണ്ണേഴ്സ് അപ്പായ ഇന്റര് മിലാന്, കോപ്പ ഇറ്റാലിയ റണ്ണേഴ്സ് അപ്പായ എ.സി മിലാന് എന്നീ നാല് പ്രമുഖ ടീമുകളാണ് ടൂര്ണമെന്റില് മാറ്റുരയ്ക്കുക.
സൗദി കായിക മന്ത്രാലയത്തിന്റെ അറിയിപ്പ് പ്രകാരം, ടിക്കറ്റുകള് അടുത്ത ആഴ്ചകളില് വില്പ്പന ആരംഭിക്കും. ടൂര്ണമെന്റിന്റെ സെമി ഫൈനല് മത്സരങ്ങള് ഡിസംബര് 18, 19 തീയതികളിലും ഫൈനല് മത്സരം 22 നും നടക്കും. സ്റ്റേഡിയങ്ങള് സംബന്ധിച്ച വിവരങ്ങള് പിന്നീട് അറിയിക്കും. 2018 ല് ജിദ്ദയിലാണ് സൗദിയില് ആദ്യമായി ഇറ്റാലിയന് സൂപ്പര് കപ്പിന് ആതിഥേയത്വം വഹിച്ചത്. അന്ന് യുവന്റസ്, എ.സി മിലാനെ പരാജയപ്പെടുത്തി കിരീടം നേടി. പിന്നീട് 2019 ല് ടൂര്ണമെന്റ് റിയാദിലേക്ക് മാറ്റി. തുടര്ന്ന് ഇന്റര് മിലാന് 2022 ലും 2024 ലും കിരീടം നേടി. ഈ വര്ഷം ജനുവരിയില് നടന്ന കഴിഞ്ഞ എഡിഷന് കിരീടം എ സി മിലാനാണ് സ്വന്തമാക്കിയത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!