മെസിയും റോണോയും നേര്‍ക്കുനേര്‍; ചാമ്പ്യന്‍സ് ലീഗില്‍ ഇന്ന് തീപ്പോര്

ചാമ്പ്യന്‍സ് ലീഗിലെ അവസാന ഗ്രൂപ്പ് പോരാട്ടത്തിലാണ് മെസിയുടെ ബാഴ്സലോണയും റൊണാള്‍ഡോയുടെ യുവന്‍റസും ഏറ്റുമുട്ടുക. 

ക്യാംപ് നൂ: ഫുട്ബോള്‍ ലോകം കാത്തിരുന്ന പോരാട്ടം ഇന്ന്. രണ്ട് വര്‍ഷത്തിനിടെ ആദ്യമായി ലിയോണല്‍ മെസിയും ക്രിസ്റ്റ്യാനോ റൊണാള്‍ഡോയും നേര്‍ക്കുനേര്‍ എത്തും. ചാമ്പ്യന്‍സ് ലീഗിലെ അവസാന ഗ്രൂപ്പ് പോരാട്ടത്തിലാണ് മെസിയുടെ ബാഴ്സലോണയും റൊണാള്‍ഡോയുടെ യുവന്‍റസും ഏറ്റുമുട്ടുക. മത്സരം ഇന്ത്യന്‍ സമയം പുലര്‍ച്ചെ 1.30ന് ബാഴ്സ മൈതാനത്ത് കിക്കോഫാകും. 

അഞ്ച് കളിയും ജയിച്ച ബാഴ്സ ഗ്രൂപ്പില്‍ ഒന്നാമതും നാല് ജയമുള്ള യുവന്‍റസ് രണ്ടാം സ്ഥാനത്തുമാണ്. ആദ്യപാദത്തിൽ ബാഴ്സ മറുപടിയില്ലാത്ത രണ്ട് ഗോളിന് യുവന്‍റസിനെ തോൽപ്പിച്ചിരുന്നു. കൊവിഡ് ബാധിതനായിരുന്ന റൊണാള്‍ഡോ അന്ന് കളിച്ചിരുന്നില്ല. ചെൽസി, മാഞ്ചസ്റ്റര്‍ യുണൈറ്റഡ്, പിഎസ്ജി ടീമുകള്‍ക്കും ഇന്ന് മത്സരമുണ്ട്.