UEFA Nations League : റോണോയുടെ ഡബിള്, സ്വിറ്റ്സർലൻഡിനെ തൂത്തെറിഞ്ഞ് പോർച്ചുഗല്; സ്പെയിന് സമനിലക്കുരുക്ക്
Synopsis
നേഷൻസ് ലീഗിൽ സ്പെയിനിന് വീണ്ടും സമനില നേരിട്ടു. ചെക്ക് റിപ്പബ്ലിക്കിനെതിരായ മത്സരത്തിൽ ഇരുവരും രണ്ട് ഗോൾ വീതം നേടി
ലിസ്ബണ്: യുവേഫ നാഷൻസ് ലീഗിൽ(UEFA Nations League) സ്വിറ്റ്സർലൻഡിനെതിരെ പോർച്ചുഗലിന്(Portugal vs Switzerland) എതിരില്ലാത്ത നാല് ഗോളുകളുടെ ജയം. സൂപ്പർ താരം ക്രിസ്റ്റ്യാനോ റൊണാൾഡോയുടെ(Cristiano Ronaldo) ഇരട്ട ഗോൾ കരുത്തിലാണ് പറങ്കിപ്പട സ്വിറ്റ്സർലൻഡിനെ തകർത്തത്. ഇതോടെ പോർച്ചുഗലിനായുള്ള റൊണാൾഡോയുള്ള ഗോളുകളുടെ എണ്ണം 118 ആയി.
നേഷൻസ് ലീഗിൽ സ്പെയിന് വീണ്ടും സമനില നേരിട്ടു. ചെക്ക് റിപ്പബ്ലിക്കിനെതിരായ മത്സരത്തിൽ ഇരുവരും രണ്ട് ഗോൾ വീതം നേടി. ഗവി, ഇനിയോ മാർട്ടിനസ് എന്നിവരാണ് സ്പെയിന് വേണ്ടി ഗോൾ നേടിയത്. നിലവിൽ പോർച്ചുഗലും സ്വിറ്റ്സർലൻഡും അടങ്ങുന്ന ഗ്രൂപ്പിൽ മൂന്നാം സ്ഥാനത്താണ് സ്പെയിൻ. അതേസമയം സ്പെയിനിനായി അന്താരാഷ്ട്ര മത്സരത്തിൽ ഗോൾ നേടുന്ന ഏറ്റവും പ്രായം കുറഞ്ഞ താരമെന്ന റെക്കോർഡ് ഇന്നത്തെ ഗോളോടെ ഗവി സ്വന്തമാക്കി. ബാഴ്സ സഹതാരം അൻസു ഫതിയുടെ റെക്കോർഡാണ് ഗവി മറികടന്നത്. ഗോൾ നേടുമ്പോൾ 17 വയസും 304 ദിവസവുമാണ് ഗവിയുടെ പ്രായം.
മറ്റൊരു മത്സരത്തിൽ സ്വീഡനെ ഒന്നിനെതിരെ രണ്ട് ഗോളുകൾക്ക് നോർവെ തോൽപ്പിച്ചു. എർലിംഗ് ഹാലൻഡിന്റെ രണ്ട് ഗോൾ കരുത്തിലാണ് നോർവെയുടെ ജയം. ആന്തണി ഇലോംഗയാണ് സ്വീഡന്റെ ഏക ഗോൾ നേടിയത്. പൂളിൽ ഒരു വിജയവും ഒരു തോൽവിയുമായി സ്വീഡൻ മൂന്നാമതും രണ്ട് ജയങ്ങളുമായി നോർവെ ഒന്നാമതുമാണ്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!