പൈസ കൂടുതലാണെന്ന് പറഞ്ഞ് ഇനി വാങ്ങാതിരിക്കേണ്ട; ഗൂഗിള്‍ പിക്‌സല്‍ 10ന് വന്‍ വിലക്കുറവ്

ഇന്ത്യയിൽ 79,999 രൂപയ്ക്ക് ലോഞ്ച് ചെയ്‌ത ഗൂഗിള്‍ പിക്‌സൽ 10 ഇപ്പോൾ 12,000 രൂപ കിഴിവോടെ ലഭ്യമാണ്. വിജയ് സെയിൽസിന്‍റെ ഔദ്യോഗിക വെബ്‌സൈറ്റ് വഴി വാങ്ങുന്ന ഉപഭോക്താക്കൾക്കാണ് ഈ വിലക്കിഴിവ് ലഭിക്കുക. 

മുംബൈ: വിവിധ ഓൺലൈൻ സെയിൽസ് പ്ലാറ്റ്ഫോമുകളുടെ റിപ്പബ്ലിക് ഡേ പ്രത്യേക വില്‍പന നടന്നുകൊണ്ടിരിക്കുകയാണ്. സ്‌മാർട്ട്‌ഫോണുകൾ ഉൾപ്പെടെ വിവിധ വിഭാഗങ്ങളിലുള്ള ഉൽപ്പന്നങ്ങൾക്ക് വമ്പിച്ച കിഴിവുകൾ നൽകുന്നു. നിങ്ങളുടെ ഡിവൈസ് അപ്‌ഗ്രേഡ് ചെയ്യുന്നതിനെക്കുറിച്ച് നിങ്ങൾ ചിന്തിക്കുകയാണെങ്കിൽ, ഇത് ഒരു മികച്ച സമയമാണ്. ഇതിൽ ശ്രദ്ധേയമായ ഡീലുകളിൽ ഒന്ന് ഗൂഗിളിന്‍റെ ഏറ്റവും പുതിയ ഫ്ലാഗ്ഷിപ്പ് മോഡലായ പിക്‌സൽ 10ന് ലഭിക്കുന്നതാണ്. ഗൂഗിളിന്‍റെ ഈ ഏറ്റവും പുതിയ ഫ്ലാഗ്ഷിപ്പ് ഫോൺ വാങ്ങാൻ പലരും പദ്ധതിയിട്ടിരുന്നെങ്കിലും അതിന്‍റെ പ്രീമിയം വില കാരണം മടിച്ചിരുന്നു. ഗൂഗിൾ പിക്സൽ 10ന് ഇപ്പോള്‍ ലഭിക്കുന്ന സവിശേഷ ഓഫറിനെക്കുറിച്ച് നിങ്ങൾ അറിയേണ്ടതെല്ലാം ഇതാ.

ഗൂഗിള്‍ പിക്‌സൽ 10നുള്ള ഓഫർ ഇങ്ങനെ

ഇന്ത്യയിൽ 79,999 രൂപയ്ക്ക് ലോഞ്ച് ചെയ്‌ത ഗൂഗിള്‍ പിക്‌സൽ 10 ഇപ്പോൾ 12,000 രൂപ കിഴിവോടെ ലഭ്യമാണ്. വിജയ് സെയിൽസിന്‍റെ ഔദ്യോഗിക വെബ്‌സൈറ്റ് വഴി വാങ്ങുന്ന ഉപഭോക്താക്കൾക്കാണ് ഈ വിലക്കിഴിവ്. ഈ സ്‍മാർട്ട്‌ഫോൺ നിലവിൽ 5,000 രൂപ ഫ്ലാറ്റ് ഡിസ്‌കൗണ്ടോടെ 74,999 രൂപയ്ക്ക് ലിസ്റ്റ് ചെയ്തിരിക്കുന്നു. ഇതിന് പുറമെ എച്ച്‍ഡിഎഫ്‍സി ബാങ്ക് ക്രെഡിറ്റ് കാർഡ് ഉപയോഗിച്ച് പണമടയ്ക്കുമ്പോൾ 7,000 രൂപ അധിക കിഴിവ് ലഭിക്കും.

ഗൂഗിൾ പിക്‌സൽ 10 സ്പെസിഫിക്കേഷനുകളും ഫീച്ചറുകളും

ഗൂഗിൾ പിക്സൽ 10 ടെൻസർ ജി5 ചിപ്‌സെറ്റ് ഉപയോഗിച്ചാണ് പ്രവർത്തിക്കുന്നത്. 12 ജിബി വരെ റാമും 256 ജിബി വരെ ഇന്റേണൽ സ്റ്റോറേജും ഇതിൽ ഉൾപ്പെടുന്നു. കൂടാതെ, 30 വാട്‌സ് ഫാസ്റ്റ് വയർഡ് ചാർജിംഗും 15 വാട്‌സ് വരെ വയർലെസ് ചാർജിംഗ് പിന്തുണയുമുള്ള 4,970 എംഎഎച്ച് ബാറ്ററിയാണ് ഈ ഉപകരണത്തിന്‍റെ പിന്തുണ. മുന്നിൽ, 120 ഹെര്‍ട്‌സ് റിഫ്രഷ് റേറ്റും 3,000 നിറ്റുകളുടെ പീക്ക് ബ്രൈറ്റ്‌നസും ഉള്ള 6.3 ഇഞ്ച് ഓഎൽഇഡി ഡിസ്‌പ്ലേ ലഭിക്കുന്നു. കൂടാതെ, സ്‌ക്രീൻ കോർണിംഗ് ഗൊറില്ല ഗ്ലാസ് വിക്ടസ് 2 കൊണ്ട് സംരക്ഷിക്കപ്പെട്ടിരിക്കുന്നു. ഫോട്ടോഗ്രാഫിക്കായി ഗൂഗിൾ പിക്സൽ 10 ൽ മാക്രോ ഫോക്കസുള്ള 48എംപി പ്രധാന ക്യാമറ, 13എംപി അൾട്രാവൈഡ് ലെൻസ്, 5× ഒപ്റ്റിക്കൽ സൂമുള്ള 10.8എംപി ടെലിഫോട്ടോ ക്യാമറ എന്നിവയുണ്ട്. സെൽഫികൾക്കും വീഡിയോ കോളുകൾക്കുമായി ഫോണിന്റെ മുൻവശത്ത് 10.5എംപി ക്യാമറയും ലഭിക്കുന്നു.