ഗാലക്‌സി ടാബ് S10+ ന് അവിശ്വസനീയ ഓഫറുകൾ!

ഉത്സവകാല വിൽപ്പനയ്ക്ക് മുന്നോടിയായി സാംസങ് ഇന്ത്യ ഗാലക്‌സി ടാബ് എസ്10+ ന് പ്രത്യേക ആനുകൂല്യങ്ങൾ പ്രഖ്യാപിച്ചു. വൈ-ഫൈ, 5ജി പതിപ്പുകൾക്ക് കാര്യമായ വിലക്കിഴിവ് നൽകുന്നതിനൊപ്പം നോ-കോസ്റ്റ് ഇഎംഐ സൗകര്യങ്ങളും ലഭ്യമാണ്. എ.ഐ. ഫീച്ചറുകൾ, മികച്ച ഡിസ്‌പ്ലേ, ശക്തമായ പ്രോസസർ എന്നിവയാണ് ടാബിന്റെ പ്രധാന ആകർഷണങ്ങൾ.

ഉത്സവകാല വിൽപ്പനയ്ക്ക് മുന്നോടിയായി ഗാലക്‌സി ടാബ് എസ്10+ന് പ്രത്യേക ആനുകൂല്യങ്ങൾ പ്രഖ്യാപിച്ച് സാംസങ് ഇന്ത്യ. ഉത്സവകാല ഓഫറിന്റെ ഭാഗമായി 12 ജി.ബി. റാം, 256 ജിബി സ്റ്റോറേജുള്ള ഗാലക്‌സി ടാബ് എസ്10+ വൈ-ഫൈ പതിപ്പ് 1,05,999 രൂപയിൽ നിന്നും 88,999 രൂപയും 5ജി പതിപ്പ് 1,20,999 രൂപയിൽ നിന്നും 1,03,999 രൂപയ്ക്കും ലഭിക്കും. ബാങ്കുകൾ വഴി ആറ് മാസത്തേക്കും എൻ.ബി.എഫ്.സി.കൾ വഴി 12 മാസത്തേക്കും നോ-കോസ്റ്റ് ഇഎംഐ സൗകര്യമുണ്ട്. വൈ-ഫൈ പതിപ്പിന് ബാങ്ക് ഇഎംഐ പ്രതിമാസം 14,833 രൂപ മുതലും എൻബിഎഫ്‍സി ഇഎംഐ 7,417 രൂപ മുതലും സാംസങ് ഫിനാൻസ് പ്ലസ് വഴി 15 ശതമാനം ഡൗൺ പേയ്‌മെന്റോടെ ₹6,877 മുതലുമാണ്. 5ജി പതിപ്പിന് യഥാക്രമം ₹17,333, ₹8,667, ₹8,036 എന്നിങ്ങനെയാണ് പ്രതിമാസ ഇ.എം.ഐ. നിരക്കുകൾ എന്നും കമ്പനി വാർത്താക്കുറിപ്പിൽ അറിയിച്ചു.

ഉൽപ്പാദനക്ഷമത, സർഗാത്മക പ്രവർത്തനങ്ങൾ, വിനോദം, സ്മാർട്ട് ഹോം നിയന്ത്രണം എന്നിവ ഒരൊറ്റ ഉപകരണത്തിൽ സാധ്യമാക്കുന്ന തരത്തിലാണ് ഗാലക്‌സി ടാബ് എസ്10+ രൂപകൽപ്പന ചെയ്തിരിക്കുന്നത്. 31.47 സെ.മീ. ഡൈനാമിക് അമോലെഡ് 2X ഡിസ്‌പ്ലേയും പ്രതിഫലനം കുറയ്ക്കുന്ന സാങ്കേതികവിദ്യയും മികച്ച ദൃശ്യാനുഭവം നൽകുന്നു. എ.ഐ. ഡയലോഗ് ബൂസ്റ്റ് സംവിധാനമുള്ള ക്വാഡ് സ്പീക്കർ, ഐ.പി.68 പൊടി-ജല പ്രതിരോധം, ആർമർ അലുമിനിയം നിർമാണം എന്നിവയും ടാബിന്റെ പ്രധാന സവിശേഷതകളാണ്.

എസ് പെൻ ഉപയോഗിച്ച് യോഗത്തിലെ കുറിപ്പുകൾ തയ്യാറാക്കാനും രേഖകളിൽ അടയാളപ്പെടുത്താനും സ്കെച്ചുകൾ വരയ്ക്കാനും കഴിയും. നോട്ട് അസിസ്റ്റ് എ.ഐ. ഉപയോഗിച്ച് കുറിപ്പുകൾ പകർത്തിയെഴുതാനും ചുരുക്കാനും സഹായിക്കുന്നു. പി.ഡി.എഫ്. ഓവർലേ ട്രാൻസ്ലേഷൻ വഴി സ്ക്രീനിൽ തന്നെ പി.ഡി.എഫ്. രേഖകൾ പരിഭാഷപ്പെടുത്താം. ഹാൻഡ്‌റൈറ്റിംഗ് ഹെൽപ്പ് കൈയെഴുത്ത് കുറിപ്പുകൾ വൃത്തിയുള്ള രൂപത്തിലാക്കുന്നു. സർക്കിൾ ടു സെർച്ച് ഉപയോഗിച്ച് ആപ്പുകൾ മാറ്റാതെ സ്ക്രീനിലുള്ള വിവരങ്ങൾ തിരയാനും പരിഭാഷപ്പെടുത്താനും കഴിയും. എ.ഐ. ഉൾപ്പെടുത്തിയ എയർ കമാൻഡ് വഴി ഗാലക്‌സി എ.ഐ. അസിസ്റ്റന്റ് സവിശേഷതകളിലേക്കും വേഗത്തിൽ പ്രവേശിക്കാം. അനുയോജ്യമായ അനുഭവങ്ങളിൽ സാംസങ് ബിക്സ്ബിയോ ഗൂഗിൾ ജെമിനിയോ തിരഞ്ഞെടുക്കാനുള്ള സൗകര്യവും ഗാലക്‌സി എ.ഐ. സംവിധാനത്തിലുണ്ട്.

സ്മാർട്ട് ഹോം ഹബ്ബായും ഗാലക്‌സി ടാബ് എസ്10+ ഉപയോഗിക്കാം. സ്മാർട്ട് തിങ്സിലെ 3ഡി മാപ്പ് വ്യൂ ഉപയോഗിച്ച് കണക്റ്റുചെയ്‌ത ഉപകരണങ്ങൾ ഒരൊറ്റ സ്ക്രീനിൽ നിരീക്ഷിക്കാം. സ്മാർട്ട് തിങ്സ് എനർജിയും എ.ഐ. എനർജി മോഡും വൈദ്യുതി ഉപയോഗത്തെക്കുറിച്ചുള്ള വിവരങ്ങൾ നൽകുന്നു. മീഡിയടെക് ഡൈമെൻസിറ്റി 9300+ പ്രോസസറാണ് ടാബിന് കരുത്തേകുന്നത്. 12 ജി.ബി. റാമും 256 ജി.ബി. സ്റ്റോറേജും മൈക്രോ എസ്.ഡി. കാർഡ് വഴി വികസിപ്പിക്കാവുന്നതാണ്. 10,090 എം.എ.എച്ച് ബാറ്ററിയും 45 വാട്ട് ഫാസ്റ്റ് ചാർജിങ്ങും ലഭ്യമാണ്.