ഒരൊറ്റ ചിത്രം കൊണ്ട് തരംഗമായി ആരിഫ; ജീവന് തുടിക്കുന്ന ചിത്രങ്ങള് കാണാം
First Published Jul 15, 2021, 12:41 PM IST
ഒരൊറ്റ ചിത്രം കൊണ്ട് സാമൂഹ്യമാധ്യമങ്ങളില് തരംഗംതീര്ത്തിരിക്കുകയാണ് നിലമ്പൂർ പൂക്കോട്ടുംപാടം സ്വദേശിയായ ആരിഫ. മതിലിന് മുകളിൽ നിൽക്കുന്ന കോഴികളുടെ ചിത്രം പിതാവ് ഇസ്ഹാക് വി പി തന്റെ ഫേസ്ബുക്ക് പേജിൽ പങ്കുവെച്ചതോടെയാണ് ജീവൻ തുടിക്കുന്ന ചിത്രത്തിന്റെ ഉടമയെ സാമൂഹിക മാധ്യമങ്ങൾ അന്വേഷണം ആരംഭിച്ചത്. അന്വേഷണം ചെന്നത്തിയതാകട്ടെ പൂക്കോട്ടുംപാടത്തെ ആരിഫ ശഫീഖലിയിലേക്ക്. ഒറ്റനോട്ടത്തിൽ ക്യാമറയിൽ പകർത്തിയ ചിത്രമാണെന്ന് തോന്നിപ്പിക്കുന്ന കലാമികവിന് നിരവധി പേരാണ് അഭിനന്ദനങ്ങൾ അറിയിച്ച് രംഗത്തെത്തിയത്. എന്നാൽ ഈ ചിത്രം മാത്രമല്ല, നിരവധി ചിത്രങ്ങൾ ഈ കലാകാരി ഒരുക്കിയിട്ടുണ്ട്.