ബിഗ് ബോസ്; 'ഈ മസിലന്മാരൊക്കെ പൊട്ടന്മാരാണോ ?' രജിത്തിന്‍റെ സംശയങ്ങള്‍
First Published Feb 14, 2020, 3:42 PM IST
ബിഗ് ബോസ് വീട്ടിലെ എല്ലാ അംഗങ്ങളോടും ദിവസങ്ങളോളം ഒറ്റയ്ക്ക് നിന്ന് പൊരുതി നില്‍ക്കുമ്പോഴാണ് രജിത്തിനെ സംബന്ധിച്ച് ഒരു കുളിര്‍ കാറ്റ് പോലെ പവന് തിരിച്ചെത്തിയത്. സുജോ ഉണ്ടായിരുന്നപ്പോള്‍ രജിത്തിന് ഒരു ബലമുമണ്ടായിരുന്നു. എന്നാല്‍ സുജോ, സാന്ദ്രയുമായി അടുത്തതോടെ രജിത്തുമായി അകന്നു. പിന്നെ രജിത്തിനൊരു ആശ്വാസമായത് പവന് സാന്നിധ്യമാണ്. മടങ്ങി വന്നത് പവനാണെന്നറിഞ്ഞ നിമിഷം മുതല്‍ രജിത്ത് ഫുള്‍ പവറിലാണ്.
നാണയങ്ങള്‍ സൂക്ഷിക്കാന്‍ തനിക്ക് കഴിയില്ലെന്ന ഉത്തമബോധ്യമുള്ളതിനാല്‍ രജിത്ത്, തന്‍റെ നാണയങ്ങള്‍ മുഴുവനും പവനെ ഏല്‍പ്പിച്ചുവെങ്കിലും ഇന്നലെ പവന്‍റെ കാര്യത്തില്‍ രജിത്തിന് ചില സംശയങ്ങള്‍ തോന്നിത്തുടങ്ങി. കാര്യം മറ്റൊന്നുമല്ല, തന്‍റെ പദ്ധതികള്‍ക്കനുസരിച്ച് ഓച്ഛാനിച്ച് കൈകെട്ടി തലകുലുക്കി സമ്മതിക്കുമെന്ന് കരുതിയ പവന്, രജിത്തിന് ഇന്നലെ മറ്റൊരു സ്ട്രാറ്റജി ഓതിക്കൊടുത്തു. ഇത് ഇഷ്ടപ്പെടാത്ത രജിത്തിന് പവന്‍റെ മുഖത്ത് നോക്കി 'ടാ പോട്ടാ.. ഞാന്‍ പറയുന്നത് കേള്‍ക്ക്' എന്ന് ആക്രോശിക്കേണ്ടിവന്നു. പവന് തന്‍റെ കൈയില്‍ നിന്ന് വഴുതുമെന്ന് രജിത്ത് ഭയക്കുന്നു. പവന് കൈവിട്ട് പോകാതിരിക്കാനായി തനിക്ക് ലഭിച്ച നാണയങ്ങള്‍ മുഴുവനും അയാള്‍ പവന് സമ്മാനിക്കുന്നു. എങ്കിലും പവന് തനിക്ക് നഷ്ടപ്പെടുമോയെന്ന് അയാള്‍ക്ക് ഭയമുണ്ട്. കാണാം ആ സംഭാഷണങ്ങള്‍.